parrain huit mois aprez, Messire François Comte la Roche-Foucault quy lui a baillés son nom baptismal. Feu Monseigneur et mari aymoit ledit Comte autant que son frère.
Anne, Reyne de France et Duchesse de Bretagne, estoit née à Nantes le 26 janvier 1476 et la mesme année de mon Filz. Estant à Bloys le 21 janvier, jour de Sainte Agnès, elle fust accouchée d’un Dauphin quy ne pouvoit empescher ni retarder l’exaltation de mon Cæsar, car il avoyt faulte de vie. En ce moment j’estois à Bloys en ma chambre, et René Benoist, mon fauconnier, quy m’a toujours servye en brave et loyale persevrance, me vint donner la serieuse nouvelle d’icelle mort qu’il avoist sceüe le premier par une chambrière de la Reyne dont il estoit le gallant.
À Montereau, le lundy sept d’aoust 1508, sur les sept heures du soir, ladite Reyne Anne estoit en grand péril de mort, car le ptanchier du pont s’effondit sous les chevaulx quy la portoient dans sa lictierre, et resta suspendeue par le deuxième cheval qui se cramponna sur les ais romputs ; ce quy saulva cette bonne princesse parce que l’autre cheval avoit rompu ses traicts en advant pour tomber dans la riviesre ou nageoyt comme un poisson. On le retreuva sur la berge et la Reyne s’enservit pour continuer son chemin comme sy de rien n’estoit, tant elle avoit de force au cœur et le sang bretton.
