Moun-Diü ! la béroye flourette Quis’mirailhe hens lou cristaü, Hens lou cristaü d’aquère ayguette, Y tà bribente, y tà clarette, Qui ba bagna lous pès de Paü !
Per la coueilhe ère s’esdébure ; Lou pè qué l’eslengue y qué cat… Gouyats ! la terrible abenture ! Lou Gabe à l’arrouyousse allure Qué la s’emboulégue aü capbat.
La praübotte eslhéba soun âme A la qui sab noustes doulous : Dé tire cadou bère arrame D’aüprès deü loc oùn Nouste-Dame Adyude lous sous serbidous.
Y, chens s’abusa, la maynade Séseich, en l’entreignen pla hort, La branque peü Ceü embiade, Per aquet moyen ey saübabe Y douçamen miade aü bord.
Taüs las nôres du patriarche Bes’crédèn pergudes, pari, Quoan, pourtan l’arramette à l’arche, La Couloume per sa désmarche Deü délutyé announça la fi.
D’ue fayçou tà merbeilhouse Puch qu’es arringade aü trépas, Migue, hens la Capère oumbrouse
