me neierai ! ’Dunc lieve sus ;
tute esbaïe vient a l’us ;
675 n’i trueve clef ne serreüre :
fors s’en eissi par aventure.
Unques nuls ne la desturba.
Al hafne vint, la nef trova ;
[Bl. 144d] atachiee fu al rochier,
680 u ele se voleit neier.
Quant el la vit, enz est entree ;
mes d’une rien s’est purpensee
qu’iluec fu sis amis neiez.
Dunc ne puet ester sur ses piez :
685 se desqu’al bort peüst venir,
el se laissast defors chaïr !
Asez suefre travail e peine.
La nes s’en vet, ki tost l’en meine.
En Bretaigne est venue al port
690 suz un chastel vaillant e fort.
Li sire qui li chastels fu
aveit a nun Meriadu.
Il guerreiot un suen veisin ;
pur ceo fu levez par matin,
695 sa gent voleit fors enveier
pur sun enemi damagier.
A une fenestre s’estot
674 tut ; al hus — 675 treue cleif ; serure — 677 nul — 678 uient ; neif — 679 atachie — 681 ele — 682 de une — 683 que ilec ; neez — 684 pez — 686 ele — 687 seofre — 688 neif ; que — 689 Bretaine ; uenu — 691 sires ; ki le chastel — 693 guerrot ; sun, SP sien — 694 leue — 696 damager.