Et d’autre part li resewa,
Tant que tous rouges fu li fers.
La lance rompi de travers ;
S’en demora .i. grant tronçon
En l’espaule et ens ou blason.
Saigremor fricement passe oultre,
Puis retourne en faisant son moustre,
Mais Morenois qui navrés fu,
Comment que le brach a l’escu
Ait atachié au lés senestre,
Si se voelt il aidier dou destre ;
Errant met le main a l’espée. f. 203 b
Si l’a hors dou fuerre jettée ;
Sus Saigremor s’en vient irés,
Qui s’est .i. petit retirés
Et de son escu s’est couvers.
Morenois y fiert de travers
.I. cop desmesuré et grant.
A peu n’ot afolé l’enfant,
Mais il se targa gentement,
Tant que l’espée nullement
Ne li fist lors point de damage.
Saigremor, qui ot grant corage,
Dist qu’il se vorra revengier.
Errant traist l’espée d’acier,
Et dessus Morenois s’en vient,
Qui moult vassaument se maintient,
Comment qu’il soit moult dur navrés.
Saigremor est en li entrés
Et le fiert de l’espée bonne ;
Sus le hÿaume .i. cop li donne,
.I. cop desmesuré et grant,
Mes onques ne pot dou trencant
Par dedens le hÿaume entrer,
Ains commença a redonder
La ditte espée encontremont.
Page:Froissart - Méliador, tome 3.djvu/175
Le texte de cette page a été corrigé et est conforme au fac-similé.
170
Méliador
