Le texte de cette page a été corrigé et est conforme au fac-similé.
112
JANVIER-FÉVRIER 1895.
Jonction des pages à faire pour la transclusion
ܒܚܕ ܕܝܢ ܡܢܗܘܢ ܕܒܙܒܢܢ ܗܘܐ ܨܒܝܬ ܕܐܫܒܚ: ܘܙܢܚ̈ ܥܡܠܘ̈ܗܝ ܐܦ ܕܘܒܪ̈ܘܗܝ ܠܓܠܝܐ ܐܕܢܚ. ܥܡ̈ܠܐ ܕܥܡܠ ܫܚܩ̈ܐ ܕܣܝܒܪ ܟܠܗܘܢ ܐܣܕܘܪ: ܕܢܐܠܦ ܐܝܢܐ ܕܨܿܒܐ ܕܥܡܗ ܕܣܢܐܐ ܢܕܘܪ. ܠܪܒ ܥܠܠܝ̈ܐ ܘܡܫܚ ܟܘܡܪ̈ܐ ܕܒܫܘܦܪܐ ܣܒܝܣ: ܡܪܝ ܕܝܚܐ ܟܝܬ ܩܬܘܠܝܩܐ ܦܛܪܝܪܟܝܣ. ܠܪܥܝܐ ܥܝܪܐ ܐܦܛܪܘܦܐ ܕܓ̈ܙܝ ܡܫܝܚܐ: ܚܘܒܗ ܕܩܬܢܝ ܕܐܓܕܘܠ ܟܠܝܠ ܠܪܫܗ ܡܫܒܚܐ. ܡܠܐܟ ܒܣܪܐ ܘܓܒܪܐ ܕܐܟܡܪ ܠܟܠ ܥܘܢܕܢܗ: ܐܢܐ ܒܨܝܪܐ ܐܡܪ ܡ̈ܠܐ ܒܝܘܡ ܕܘܟܪܢܗ. ܘܥܡ ܩܘܪ̈ܒܢܐ ܘܕܒܚ̈ܐ ܕܩܘܫܬܐ ܕܬܟܿܥ ܫܗܪܗ: ܡܐܡܪܐ ܢܪܟܒ ܕܡܙܕܡܪܐ ܒܗ ܐܬܠܝܛܘܬܗ. ܘܟܕ ܒܨܠܘܬܗ ܠܒܝܟ ܐܢܐ ܓܘܣܐ ܒܗܘܢܝ ܘܒܡܕܥ: ܕܠܫܢܝ ܣܘܓܐܐ ܕܡܝܬܪ̈ܬܗ ܢܐܡܪ ܘܢܒܥ. ܥܡ ܬܫܥܝܬܗ ܬܪܕܐ ܡܠܬܢ ܒܨܝܪ ܚܝܠܐ: ܢܐܝܕܐ ܒܐܝܕܐ ܢܬܢܐ ܫܪ̈ܒܘܗܝ ܒܡܡܠܠܐ ܒܗܝܠܐ. ܡܢ ܒܝܬ ܒܓܫ ܫܘܚ ܩܕܝܫܐ ܣܪܝܕܐ ܕܬܩ̈ܢܐ: ܡܢ ܥܩܪܐ ܘܓܢܣܐ ܒܪܝܟܐ ܕܐܢܫ̈ܐ ܟܐܢ̈ܐ. ܒܪ ܟܗ̈ܢܐ ܗܘܐ ܐܦ ܐܒܗ̈ܘܗܝ ܟܗ̈ܢܐ ܗܘܘ ܗܘܘ: ܘܒܬܫܡܫܬܐ ܥܕܬܢܝܬܐ ܛܒ ܗܕܝܪܝܢ ܗܘܘ.
