Le texte de cette page a été corrigé et est conforme au fac-similé.
113
ÉLOGE DE MAR DENḤA Ier
Jonction des pages à faire pour la transclusion
ܠܥܣܪܐ ܕܪ̈ܐ ܕܓܢܣܗ ܟܠܗܘܢ ܢܣܒܘ ܟܗܢܘܬܐ: ܥܕ ܐܬܡܢܥܬ ܠܘܬܗ ܦܨܬܐ ܕܪܫ ܟܘܡܪܘܬܐ. ܐܪ̈ܙܐ ܕܬܓ̈ܡܝ ܥܝܪ̈ܐ ܕܫܡܫ ܛܘܗܡܗ ܒܪܝܟܐ: ܘܐܪ̈ܙܐ ܕܛܟܣܐ ܕܥܠܝ̈ܐ ܒܗ ܫܩ̈ܠܝ ܣܘܝܟܐ. ܫܪܒܬܗ ܨܠܡܐ ܕܬܓܡ̈ܐ ܬܫܥ̈ܐ ܬܫܥ̈ܐ ܨܪܬ ܘܝܩܢܬ: ܘܣܥܝܪܝܘܬ ܫܘܡܠܝܘܬܐ ܓܡܝܪܘ ܒܗ ܩܢܬ. ܒܝܘܡ ܡܘܠܕܗ ܕܐܒܘܢ ܙܗܝܐ ܩܪܫܘܗܝ ܥܦܒܕܗ: ܥܡܢ ܩܕܡ ܕܝܢܩ ܚܠܒܐ ܕܐܡܗ ܡܫܚܐ ܝܗܒܘ ܠܗ. ܡܫܚܐ ܡܩܕܫܐ ܣܡܘ ܗܘܘ ܒܦܘܡܗ ܕܐܒܘܢ ܙܗܝܐ: ܕܗܝ ܛܝܒܘܬܐ ܕܐܬܝܗܒܬ ܠܗ ܡܢܗ ܕܩܘܝܐ. ܗܼܝ ܛܝܒܘܬܐ ܩܕܫܬ ܠܦܓܕܗ ܡܢ ܫܒܪܘܬܐ: ܘܗܼܝ ܣܥܪܬ ܒܗ ܚܝ̈ܠܐ ܬܡܝܗ̈ܐ ܘܓܒܪܘܬܐ. ܗܼܝ ܥܠܝܬܗ ܠܕܪܓܐ ܫܒܝܚܐ ܕܪܫ ܟܗܢܘܬܐ: ܘܗܼܝ ܚܝܠܬܗ ܠܡܙܟܐ ܠܚܫ̈ܐ ܘܠܪ̈ܓܝܓܬܐ. ܕܢܚܐ ܕܢܘܗܪܐ ܐܬܟܢܝ ܗܘܐ ܡܢ ܐܒܗܘ̈ܗܝ: ܘܐܝܟ ܕܟܢܒܝܘ ܟܫܡܐ ܦܪܝܫܐ ܠܩܢܘܡܗ ܩܪܘܗܝ. ܢܘܗܪܐ ܒܕܢܚܗ ܡܥܛܘ ܐܠܝܐ ܕܚܫܘ̈ܟܬܐ: ܘܡܦܨܚ ܐܦܝ̈ܗ ܕܟܠܗܿ ܬܒܝܠ ܒܢܗܝܪܘܬܐ. ܡܢ ܛܠܝܘܬܐ ܪܚܡܗ ܠܥܠܡܐ ܗܼܘ ܡܩܘܝܢܐ: ܘܫܛܗ ܘܒܣܪܗ ܠܥܠܡܐ ܗܢܐ ܡܬܗܒܥܢܐ.
