| DE MAHOMET. | 19 |
ſcience, & pour les purifier, tu es le tout Puiſſant & Sage. Perſonne n’abandonnera la loy d’Abraham qu’à ſon propre dommage, je l’ay eſlu en ce monde, & eſt en l’autre au nombre des juſtes. Souviens toy que ſon Seigneur luy à dit. Sois obeïſſant à ton Seigneur & te confie en luy, il à dit, Je ſuis reſigné en Dieu Seigneur de l’Univers, il a commandé à Jacob & à ſes enfans de fuivre la loy de Dieu. Mes enfans, Dieu vous à enſeigné ſa loy, confiez-vous en luy, ſoyez luy obeïſſant juſques à la mort ; Avez vous eſté preſens lors que Jacob eſtoit proche de la mort ? & lors qu’il à dit à ſes enfans, qu’adorerez vous apres moy ? Ils ont reſpondu, Nous adorerons ton Dieu, le Dieu de nos Peres Abraham, Iſmaël & Iſaac un ſeul Dieu, nous nous ſommes reſignés à ſa volonté ; Le bien que ces perſonnes ont gagné leur eſt demeuré, & le mal que vous ferez ſera contre vous ; Ne vous informez pas de ce qu’ils faiſoient. Ils ont dit, ſoyez Juifs ou Chreſtiens, vous ſuivrez le droict chemin ; Dis leur, Au contraire, la loy d’Abraham eſt tres-juſte, il n’eſtoit pas au nombre de ceux qui croyoient en pluſieurs Dieux. Dites, Nous croyons en Dieu, en ce qu’il a inſpiré à Abraham, Iſmaël, Iſaac, Jacob, & aux Tribus, en ce qui a eſté enfeigné à Moïſe, à Jeſus, & à tous les Prophetes, nous ſommes reſignez en Dieu ; s’ils croyent comme vous, ils ne ſeront pas devoyez, s’ils abandonnent voſtre foy, ils aurons querelle avec vous, mais Dieu vous protegera, il
