qu’il l’est plus que jamais et est en danger de mort, car desjà ne sçait-il plus ce qu’il dit. Quiconque fait le caqueteux, jamais bonne pie ne le couva, et la semence de quoy il fust basti estoit esvantée aussi bien que sa cervelle. Peut-estre eust-il rongé, ainsi que comme les vipereaux, le ventre de sa mère pour sortir, s’il ne se fust trouvé vers la basse cartière une bonde grandement large ; et, parcequ’elle luy fit baiser son cul en passant, qui estoit un peu sale pour lors, et deceda sans hoirs legitimes de son corps, il voudroit prendre à tasche tout le sexe feminin. J’ay ouy dire à Pierre Dupuy7 qu’il est bastard de Pasquin ; maistre Martin asseure sur ses grands dieux que Marphore8 l’a fait ; le docteur croit que ç’a esté maistre Josse avec le Picard : tant il y a je n’en sçay rien davantage, sinon qu’on le tient frère de Merlin d’Angleterre, et le cognoist-on assez à son Caquet, lequel n’épargne ni Tibault ni Gautier qui ne soit pincé sans rire. Agarez, Mesdames, comment il met sur le trottoir femmes, filles, vieilles, jeunes et de toutes conditions, chetives, qualifiées et publiques, indifferemment, qui ne pensèrent jamais à ceste caqueterie non plus que je fais à estre souldan de Babylone ou à prendre Montauban. Ne prenez-vous pas garde
7. Fou qui couroit alors les rues.
8. Marforio, le camarade du Pasquin de Rome.
