volenté : mais j’ay eſté en tel point & ſi preſſés de maladie, pendant un an, que encor nouvelement, puis que T. revint,[1] j’ay eſté malades ſans iſſir de ma chambre ſe pou non ; & je penſe que vous eſtes ſi bonne & ſi ſage que vous ne vorriés mie, que moi qui ſuis voſtre créature, que vous avés reſuſcité & doucement nourry de vos douces & amiables paroles, me méiſſe en aventure d’eſtre perdu à tousjours-mais, pour aler vers vous. Car oultre pooir néant :[2] &, par Jheſucriſt, je le deſire plus que choſe qui ſoit en monde, & vos douces promeſſes m’i contraingnent fort. Et, par Dieu, ſe vous demouriés à Romme la grant, ſi vous verray-je le plus toſt que porray. Et veſcy le nouvel temps, que je ſeray en bon point ſe Dieu plaiſt. Et, ma ſouveraine dame, quant ad ce qu’il vous plaiſt que je chaſſe hors de mon cuer la mortel paour & le griés penſer qui y eſt, toutes vos paroles me ſont commandement ; ſi le feray par tele manière que la bonne eſperance que j’ay en tres-douces promeſſes que vous me faites (Se Dieus voloit que je vous péuſſe veoir), les chaſſera hors, ſans revenir, comment que je ne ſoie mie dignes de recevoir en cent mil ans le menre de biens que vous me porriés faire. Et de voſtre douce ymage que vous me devez envoier, certes je le deſire trop fort ; ſi vous ſuppli humblement que vous la me vueilliés envoier le plus toſt que vous porrez bonnement. Se je puis par nulle voie, je vous verray environ ceſte paſque. Je vous fais eſcrire l’un de mes livres que j’ay fait derrainement, que on appelle Morpheus.[3] Et le vous porteray ou envoieray, ſe Dieu plaiſt. Je vous mercy de ce que la longueur de mes eſcriptures ne vous anuie point ; car certainement, quant je commence, je n’i ſay faire fin, pour la tres-grant plaiſance que je pren en penſer, en parler & en eſcrire. Je vous mercy trop humblement de la
Page:Machaut - Le Voir Dit, 1875.djvu/107
Le texte de cette page a été corrigé et est conforme au fac-similé.
53
DU VOIR-DIT.
