« Qui ont eſté & qui ſeront,
« Feront de pas, diront paroles,
« Et feront de tours de karoles,
« De vertillons & de fuiſiaus ;[1]
« Et ferront de cops de martiaus,
« De cloches, de haches, d’eſpées ;
« Et com il auront de penſées,
« Comme pirouelles & tours
« Ont fait, font & feront de tours,
« Et com il naiſt en mai fueillettes,
« Fruis, fleurs, graines & poils d’erbettes ;
« Comme il eſt d’arbres, de buiſſons ;
« Et de tous eſpis en moiſſons,
« De grains, de feves & de pois,
« Et de drames en touz les pois
« Qui ſeront, qui ſont & qui furent ;
« Com tous les grains qui onques crurent,
« De grains de ſel & de gravelle,
« De ſablon, de poudre & de grelle ;
« Orge, aveinne, ſoile & froment,
« Et d’eſtoilles en firmament ;
« De jours ouvrables & de feſtes,
« Et de nuis, & de toutes beſtes ;
« Et com il fu onques d’oiſiaus,
« De créatures, de roſiaus,
« De grans fueilles, de glans de chaiſnes,
« De poins d’aguilles & d’aleſnes,
« De grans pierres & de pierrettes
- ↑ C’eſt-à-dire, je crois, « de tours de vertillons & de fuſeaus. » Le vertillon étoit le morceau de plomb que les femmes paſſoient au bout de leurs fuſeaus pour le tourner plus facilement. (Dictionnaire de Trévous.)
