Le texte de cette page a été corrigé et est conforme au fac-similé.
408
APPENDICE.
Cuer ſi loial qu’il ne ſauroit meffaire,
Vous ne devés vo cuer de moy retraire.
Ains me devés tenir en vo ſervage,
Come vo ſerf qu’avés pris & acquis,
Qui ne vous quiert vilenie n’outrage.
Et ſi, devés amer, j’en ſuis tous fis,
Vo mari com vo mary
Et voſtre ami com voſtre dous amy.
Et quant tout ce povés par honneur faire,
Vous ne devés vo cuer de moy retraire.
Et s’il avient que cuer avés volage,
Onques amans ne fu ſi fort trahis
Com je ſeray ; mais vous eſtes ſi ſage,
Et s’eſt vos cuers ſi ſagement nouris,
Qu’il ne daigneroit ainſi
Moy decevoir pour amer ; & ce di :
Puis que ſur tout aim voſtre dou viaire,
Vous ne devés vo cuer de moy retraire.
(Mſc. du duc de Berry, no 9221, fo 15.)
Typographie Lahure, rue de Fleurus, 9, à Paris.
