Le texte de cette page a été corrigé et est conforme au fac-similé.
50
FARCE DES FILLES
N’y faict nul séjour ;
Je les mectz dehors.
Des jaloux me ryz ;
Des fascheux marriz
Trèsbien mon temps passe ;
D’un Amour transy
Qui requiert mercy
Contrefaiz la grace.
Je me mocque d’eux,
Et nully ne veux
Pour mon serviteur ;
Car leur amytié,
Haynne ne pitié,
Ne me touche au cueur.
Leur cachez secretz,
Leur pileulx regretz
L’escoute très bien,
Mais de mon couraige
Je suis bien si saige
Qu’ilz n’entendent rien.
J’ay bien grant desir
De faire plaisir
A qui le mérite ;
Désolation,
Par compassion,
A joye je incite,
