Li conſ demande eſpeu e dreuſ li baille
Vn que portet artur de cornuaille
Ki ia fiſt en borgoinge une bataille
El cons brocet cheual qui del renc ſaille
Sil ferit en leſcut que tant en taille
Que paſſaſt en uolant oltre une caille
Loberc troc e trencez ſoz la uentaille
Non es uns cheualers quel melz ne uaille
Nainc uns od lui ne pot ſofrir trabaille
Tant fort i fert li cons que lune eſtache
Pechiat al enpoindre e lautre eſrache
E tient ſi ſon eſpeu que fors len ſache
E dient ce li ſeu com ceſt len brache
Ainc ne preſt deſ gerre brebiz ne uache
Ainſ ſol ſos anemir tenir gant frache
Deſ corſ lor a del ſanc trait mainte eſclache
A grant tort lo trait richers lo trache
Tal ueniance lemant ſi amic fache
No li couen temer poter ne gache
Lo conſ fun entres ſeus bien eſgardaz
E fu molt gent ueſtis e affublaz
Grant ac la forcheure bien fu cauchaz
E fu entres eſtranges el ſeus priuaz
Tan belz e couinenz e aceſmaz
Com entre auzelz menuz lo fauz mudaz
Atant lai eſt reimunz iambe aterraz
Qui li aduiz douſ clergeſ riuſ e letraz
Ꝑ quei li fut auerſ granſ preſentaz
E li conſ leſ coignut quiſ a baiſaz
E il li content noueſ de uerſ menlaz
Dunt molt ſeſt eſbaudiz e elegraz
E tornet entrel ſeuſ e diſ menbraz
Jo ne uuel de monor cōmen manaz
Que la ſeruirai bien ſi al rei plaz
E a dit a folcon cai aſcoltaz
Qual que uole ſi prenge la gerre o paz
E folche li reſpont aico chelaz
Reimunz parlet ꝑmerſ li fiz girun
Don eu uien de uiane e dauignun
Com auirent de tei li borgignun
Que dex taueit trameſ en roſillun
Jſloc funt aſ franceiſ enuaiſun
Qui gardauent caduel de par carlon
Ja contreſ lor non argent unſ gariſon
En caſtel ne en tor ne en donion
Quant eu len ai aduicha grant tencon
Autretal de leum e de maſcon
E endecaſ uoſtre oncles ob edelon
Amenent leſ garders de beſencon
E girarz ſen ſuſris e diſt folcon
Vougre la fus oudinſ de par carlon
Seigner dis andicas noſ en uengut
