Donne co reſpont folche a uoſtre eſgart
Ja non aorez al ſi dex noſ gart
La nuit fu deuſat e al mati⁎n
Funt toz leſ pres uenir de ſoz un pin
E lunt fait eſcheuir bertrāt meſchin
Vos iurerez iſ conte palain
A girart e folcon a ſun coſi⁎n
Caſcun tenir la trage u paz deſin
E cercherez de carle e de pepi⁎n
Si non podem del rei auer la fin
Que tenez en priſon en ceſt aiſi⁎n
Dedinz iſte clauſure de mur chaucin
A garent conte oudin e baldui⁎n
E de borgeiſ qui ſunt molt ſin amin
E cil li unt iurat tot en eiſſin
E demandent cheuauſ e puiſ chemin
E folcheſ reſpondet e preſ louin
Oudinſ mandet al rei per meſſaier
[Q]uel traie de priſon e denconbrer
Mais uol quait ſon treſaur qel ſui gerrer
Folche demande u ſun reial garder
Tot tornerez ariere ſenz deſtorber
Voſ ſerunt deliurat mur e terter
Leſ caſtels e les tors tot uos profer
E cil reſpondent don non at meſter
Borgignun ſunt felun e auerſer
Car non auem ſiruent arbaleſteir
De cui naient fait moing u eſchacer
Si lai tor per ſegner ne per loger
Ja dex ne doinſt ueder fiz ne muiller
Girarz diſt a conſel ne eu ne quer
La reine montet e ſen eiſſit
De taus ni a ploret cant ſen partit
Mais non uol ke li dux gaires la git
Faites co que uerrez per mon eſcrit
Ja donne ne ſera mot contredit
E li fu a treies qui ſomonit
A cheual e de peiz grant oſt cugit
Sobre girart lo duc ſi cum a dit
La reine ni fu tro negreſit
E intret en la ſale e ſeu nuirit
E li reiſ ſenbrunchet com il la uit
E fait li chaire irade e ele rit
Entret en la cambre a eſcherit
E deſpoillet ſos dras meillorſ ueſtit
Ele trait ſon ueſtit e prent meillor
Dune porpre ſubtil ca bone olor
Ele a blance la car e la color
Tant bele couinent cum rauſe a flor
E uait eſtar denant lemperador
Donne tornat mauez a ce ſoutror
Si maiut dex ſegner maiſ au ſobror
