E mariat la fille de ta ſeror
De borgoigne ſunt ton caſtel e tor
Maiſ ni uoudrent tornar tel gardador
Aiſi ſunt en ta man tuit li ſegnor
Conte de mane lige e uauaſor
Porque laiſas oudin tot le meillor
Que auia en ma cort nient menor
Ꝑ contrailes quen diſt li fait poor
Prennez enuit reſpit troſ deman ior
Mandaz le bebe a uos ſaint ſauuador
E cerchent plait de duc a uoſtre onor
Eſi cum auiront tei iugeor
Al deman ſunt uengut al rei palais
E il leſ apelet ſen co quel bais
Aſiſt lonc ſei damaz qui ou retrais
Anc de tan pres cum uos nen aui mais
Ne dauſelluns ab rei menuz en plais
E daumaz len iuret par ſaint geruais
Bertranz lo diſt oudin que lor agais
Eſteit el gal dargun el bruel de frais
E oudins denchauchar ſe fait trop gais
De cels de roiſſillon moc le relais
De quei force lor cret e non ſuffrais
Folche abatet oudin que braz li frais
Preſ lai eſt remaſuz co uol alpais
E te mande par noſ daiqui ou iais
Son treſaur te donra ſi daiquil trais
Lo treſaur uol eu ml’t e non ginſ pais
Car trop toſt mont mo guerre e peitais
Dolenſ ſui de girart ſonor li lais
Li bibes parle au re par grant ſauer
Don ne deiſ maiſ de gerre menteuer
Tals dez mile moſters nas fait arder
Dunt ſunt fugit li monge e li prouer
Seu uuelſ a toi les contes maiſ retener
Jl te ſerurunt lonc tans por paz auer
Abanz diſt la reine uos di por uer
Queu les frai uenir a ſon plazer
E ſeruir ſe lui plaz de lor poder
Tot en fuſt paiz abanz ke fuſt lo ſer
Quant intrent cil quil ferent remaner
Cil intrent el palaz qui ſunt mandat
E ſunt ob ez uengut trente malfat
Siruent arbaleſter defigurat
Que caſcuns at le pie un puin trencat
O cap tondut en fol o oil crebat
Venunt deuant lo rei lait aceſmat
Segner por ten ſeruiſe em afolat
E qui uoſ at tan lait entreſeignat
Cel quiſ at uil tenguz e pauc donat
Quant ſorent de girart lo repeirat
De lui e de folcon la ueritat
