Del pie deſtre marchat denant ſoſ dras
E chiet la donne adenz en terre bas
Li tinauſ en eſtant tot dreit remas
A fel car le ſocore dis andicas
Girarz lai uait corant e diſt cui las
Ai conteſſe amie cum bon cor as
E eu mal e felun e ſatanas
Or aſ tot cauiaire eca frunt cas
Non ſegner deut marcet tu cum ſi uas
Amie diſt girarz bien ou ſauras
Lai ſen portar romeu car me taing
Que uuel eſtre diſt fais midon cōpaing
E parconerſ o lui diqueſt gaaing
E uos donrai aſſaz qant uos ſuffraing
Maniar prou e deniers e draſ e baing
Voſ ou ſegner diſ cel ſa uos remaing
Abanz ſirurai celui dunt nus ne plaing
Li conſ pres lo tinal nou de caſ aing
E la conteſſe enant nou gichiſ faing
Entroſ ſunt au moſter u ſonent ſaing
Qvar qant uit la clartat cū clar reſplant
El tinauſ cum eſteit toz entrenant
E ſi quil ne baiſſat ne tant ne quant
Dunc ot le cor pitant humeliant
Elle porte detras e el denant
Entroſ ſunt au moſter intrat ou uant
Li clerc en fant tot trei de lauſ un chant
Por la uertu de deu ke uirent grant
Li conſ ot le ſeruiſe qant iorſ ſeſpant
Li conſ ot le ſeruiſe matin e breu
En une cambre uoute blanche cū neu
En eſt intraz girarz el priuat ſeu
Conteſſe diſt li conſ bien eſ a deu
Granz uertuz fes por tei aico ui eu
Segner non giuſ per mei mais ꝑ romeu
E por la mazalaine ufazanz preu
Per cui reſuſcitet deus le iudeu
Eu manderai diſ el bartolomeu
Leueſque doſteun e dan andreu
Per miracles eſcrire e metre en breu
La conteſſe reſpont ne place deu
Senz ueriaz de gent un ſi grant pleu
Ne uuel qui age auer fors u͞r͞e el meu
E de pur alueſ non gins de feu
Conteſſe dirai tei cum ſui uenguz
Atainſ me contet quauies druz
E oc la mercet deu tant lai queſut
Eu le uuel diſ girarz ſe deus maiut
E me ſat bon au cor car lai ueut
[L]e labor de uoſ douſ e la uertut
[Q]ue deuſ noſ i tremeſt per grant ſalut
Ja maiſ ne baillerai per gerre eſcut
