Fai uenir le garcon fol meſcrut
Segner diſ andicas tu laſ perdut
Car eu len ui fuir el bos ramut
E mandaſme lo blanc romeu chanut
Molt ſenble bien prodome apercobut
Qui del ſeruiſe deu faire noſ mut
La conteſſe apelet garſant la monge
Donzele or puef ueer de noſtre ſonge
Anc non ueiſtez nul qui melz ſeſponge
Li ſa[tan]as eſt li garz e ſa mencoinge
Qui uol meſclar au duc e far uergoinge
E co quil ſe mouaue quil noſ eſloinge
Don preiaz au romeu qua nos ſapoinge
Que deu ame de cor e non fait conge
Jntrat es li romeus e fu bien granz
La barbe les cregude el capſ ferranz
Romeus co diſt li cons faiz uos enanz
Per amor de midonne qui eſ amanz
Vos derai de mon aur cinc cenz beſāz
E el li reſpont don nen aurai tanz
Por mangar me dont deuſ e moſ affāz
E en terre de uie retribuanz
Car el eſt droiturers gerredonanz
E girarz lagardet e ſos ſemblanz
Romeuſ co diſt li conſ per uos balanz
E diſt a lautre mot tu es gintranz
Mos paranz e mos om cum ſalemanz
Bons parlers en ties e en romanz
E adroiz cheualers e combatanz
Per mei feſis eſtors io ne ſai quanz
E gaſtas a callun denor gran panz
Or en ſui penidenz e grauiſanz
Qua ne fuſ en tonor bien uint anz
Girarz baiſat guntrant e tent lo char
A conſeil diſ ugon e gillemar
Quereiz li a ueſtir e griſ e uar
Tan diſ anquet ſa uide a enqueſtar
Segner u as eſtat don oltre mar
Annem au ſaint ſepulchre au repairar
Me preſt unſ meſcrezanz qen feſt menar
Od mil autres chaitis por afamar
A caſtels e a murs peire portar
Mais de quinze anz i fui nen poi tornar
Qant deuſ ſa magdalaine me fiſt liurar
Cel qui getat ionas de la balaine
Me trameſt deliurar ſa magdalaine
Por aico ſui ſos ſerſ e faz ſa paine
Bien ta deus eſpirat ꝑ qua que uaine
Qant la dei herbergar eniſtun raine
E eu le laiſſerai quar nos abaine
Eu uoſ ferai ancui donor eſtraine
E contaz nos del ren dun deus tamaine
