retourner : autrement que ceste longue et intolerable absence les côtraindroit faire nouuelles alliances auecques leurs prochains et voisins : consideré que l’ancienne lignée des Scythes estoit en hazard de perir. Asie tributaire aux Scythes l'espace de cinq cês ans. Nonobstant ce peuple sans auoir egard aux douces requestes de leurs femmes, ont tenu d’un courage obstiné cinq cens ans ceste Asie tât superbe : voire iusques à ce que Ninus la deliura de ceste miserable seruitude. Pendant lequel temps ces femmes ne firent oncques alliâce de mariage auecques leurs voisins, estimans que le mariage n’estoit pas moyen de leur liberté, ains plus tost de quelque lien et seruitude : mais toutes d’un accord et vertueuse entreprise delibererent de prendre les armes, et faire exercice à la guerre, se reputans estre descendues de ce grand Mars dieu des guerres. Lâpedo et Marthesia premieres Roynes des Amazones. Ce qu’elles executerent si vertueusement soubs la conduite de Lampedo et Marthesia leurs Roynes, qui gouuernoyent l’une apres l’autre, que non seulement elles defendirent leur païs de l’inuasion de leurs ennemis, maintenans leur grandeur et liberté, mais aussi firent plusieurs belles conquestes en Europe et en Asie, iusques à ce fleuue dont nous auôs n’agueres parlé. Ausquels lieux, principalement en Ephese, elles firent bastir plusieurs chasteaux, villes, et forteresses. Ce fait elles renuoyerent une partie de leurs bandes en leurs païs, auecques riche butin de despouilles de leurs ennemis, et le reste demoura en Asie. Finablemêt ces bonnes dames pour la conseruation de leur sang, se prostituerent voluntairement à leurs voisins, sans autre espece de mariage : et de la lignée qui en procedoit, elles fai-
