s’arresta jusques atant que les tentes furent dresciées.
Après, passa la tierce bataille où il avoit treze banieres, et la conduisoit le maistre de l’Ospital[1] d’outre-mer et le sire de Biaugeu[2] et touz ceulz de la langue d’oc.
La quarte bataille mena le connestable de France, Gauchier de Chastillon ; et avoit viii banieres.
La quinte fu du roy qui contenoit xxxix banieres ; et estoit le roy armé de ses plaines armes ; et estoit en sa bataille le roy de Navarre[3], le duc de Lorrayne[4] et le conte de Bar[5] ; et avoit une ele de vi banieres que messire Mille de Noiers conduisoit, qui portoit l’oriflambe.
La vie conduisoit le duc de Bourgoigne[6], où il avoit xviii banieres.
La vii mena le Dauphin de Vienne[7], où il ot xii banieres.
La viii, le conte de Hainau[8] aveques xvii banieres, et avoit une ele de messire Jehan[9] son frere qui menoit les gens du roy de Behaigne[10].
La ix mena le duc de Bretaigne[11], et avoit xv ba-
