Item, cel an et de nuit, lettres furent attachiées aus portes de Nostre Dame de Paris, aus portes des Freres Prescheurs et aus portes des Freres Meneurs de Paris, de par les trois ; c’est assavoir : l’antipape, Baviere et frere Michiel dessus nommez. Esquelles lettres, entre les autres choses, estoit contenu que les trois dessus nommez, aveques leurs complices tenoient le pape Jehan pour herite et de sainte Eglise prescis[1] ; meismement qu’il s’efforçoit de destruire la povreté de l’euvangile. Et pour ceste cause, il appelloient de par l’antipape au concile general en la cité de Milan.
Item, encore unes autres lettres closes furent envoiées à l’evesque de Paris et à l’Université ; lesquelles lettres il envoierent au pape toutes closes pour savoir que desdittes lettres il vouldroit ordener.
[2]En ce temps vint le roy Phelippe à Saint Denis en très grant devocion, visiter monseigneur saint Denis son patron et le mercier de la glorieuse victoire que Dieu li avoit donnée par les prieres de Nostre Dame et de monseigneur saint Denis et des autres sains de Paradis, et li rendi sur son autel l’oriflambe qu’il avoit prise quant il s’estoit parti à aler contre les Flamens. Et puis s’en ala à Nostre Dame de Chartres[3], et quant
- ↑ Latin : « et ab Ecclesia præcisum », retranché de l’Église.
- ↑ Chronique de Richard Lescot, § 13 ; cf. Continuation de la Chronique latine de G. de Nangis, éd. Géraud, t. II, p. 102-103.
- ↑ Chartres est une faute ; il faut : Paris. Ce fut à Notre-Dame de Paris que Philippe VI se rendit le 29 septembre 1328 (Chronique parisienne anonyme, p. 122) et y fit ériger sur deux piliers une statue équestre qui fut détruite sous la Révolution (voir Grandes Chroniques, éd. P. Paris, t. V, p. 321, note 1 ; Continuation de G. de Nangis, t. II, p. 102, note 1 ; G. du Breul, Le théâtre des Antiquitez de Paris, 1612, p. 19-25. Cf.
