Item, en ce meismes temps, le dauphin de Vienne qui avoit assegié i chastel[1], lequel estoit au conte de Savoie, et avoit laissié son ost pour aler explorer yce chastel ; lequel dauphin fu aperceu et fu feru d’un arbalestier par telle maniere qu’il ne vesqui puis le cop que par l’espace de demi jour[2], et laissa à son frere[3] la Dauphiné, car il n’avoit point de hoir masle de son propre corps.
Incidences. — L’an mil CCC XXXIIII, ceulz de Bouloingne se rebellerent contre i legat envoié de par le pape[4] pour sousmettre les Guibelins, et firent tant qu’il chacierent ledit legat, et s’enfui hors du pays, et tuerent plusseurs de ses gens. Et avoit fait faire ledit legat i fort chastel dehors les murs, lequel il trebuchierent et abatirent jusques à terre.
Item, en ce meismes temps, mut une grant matiere de guerre entre le duc de Brebant et le conte de Flandres[5], pour aucunes redevances, lesquelles l’evesque du Liege se disoit avoir en la ville de Maalines en Brebant, lesquelles redevances ledit conte de Flandres avoit frauduleusement achetées dudit
- ↑ Le château de la Perrière, Isère, arr. de Grenoble, cant. de Voiron, comm. de Saint-Julien-de-Raz.
- ↑ Guigues VIII mourut le 28 juillet 1333 ; voir son testament dans de Valbonnais, Histoire du Dauphiné, t. II (preuves), p. 236, no XLVIII.
- ↑ Humbert II qui fut le dernier dauphin.
- ↑ Ce soulèvement de Bologne contre le légat du pape eut lieu au mois de mars 1334 (Villani, Historie Fiorentine, dans Muratori, Rerum italicarum scriptores, t. XIII, col. 758).
- ↑ Sur ce conflit entre le duc de Brabant et Louis de Nevers, voir Kervyn de Lettenhove, Histoire de Flandre, t. III, p. 156 à 158. Cf. de Smet, Corpus chronicorum Flandriæ, t. I, p. 210.
