roys d’Escoce, et especiaurnent depuis le temps de Phelippe le Bel oncle dudit roy de France, s’il estoit tenu de porter aide aus Escos contre le roy d’Angleterre. Et après toutes ces choses, le roy ala visiter saint Loys de Marseille et ala visiter son navire, lequel il avoit fait appareillier pour le passage de la Terre Sainte. Et quant il fu là, il fu receu des Marseillois, ja soit ce qu’il ne fussent pas souz sa seigneurie, en si très grant reverence et honneur, que en la mer estoient les nefs ordenées par maniere de bataille, et en la presence du roy, il s’entrebatoient par grant leesce de pommes d’orenge.
Item, en ce meismes an, le iii jour de mars, il fu eclipse de souleil, laquelle fu bien près du centre du souleil. Et avoient Saturne et Mars leur regart au souleil, et commençoient lesdictes planetes Saturne et Mars, à estre retrogrades. Et dura ladicte eclipse par ii heures aveques aucunes minutes.
Item, en ce meismes an, le roy Phelippe, depuis qu’il ot visité le pape Benedic, si prist son chemin en retournant par Bourgoigne[1], et là fu receu du duc et conte à très grant honneur. Mais quant le roy fu par delà, il trouva très grant matiere de dissencion entre le duc et le conte et messire Jehan de Chalon[2] et aucuns autres nobles d’Alemaigne, lesquiex estoient adherens aveques ledit messire Jehan de Chalon pour cause
- ↑ Philippe de Valois arriva à Beaune le 14 avril 1336 et sortit de Bourgogne le 20 (Ernest Petit, Histoire des ducs de Bourgogne de la race capétienne, t. VII, p. 148-149).
- ↑ Jean de Chalon-Arlay II. Sur cette guerre entre Jean de Chalon et le duc de Bourgogne, Eudes IV, voir Ernest Petit, Ibid., p. 145 à 161, et Ed. Clerc, Essai sur l’histoire de la Franche-Comté, t. II, p. 45 à 58.
