d’aucunes redevances, lesquelles estoient deues audit messire Jehan en la duchiée de Bourgoigne, si comme il disoit, et meismement sur la ville et le puis de Salines[1]. Lesquelles redevances, ledit duc et conte s’efforçoit de li tollir et sanz cause. Mais le duc et le conte, en la presence du roy le contredisoit et que à lui apartenoit. Le roy ne les pot onques mettre à acort, et adonques, en la presence du roy, ledit duc et conte fu de par ledit messire Jehan deffié et touz ses adherens[2]. Et l’endemain, ledit messire Jehan et sa compaigniee entra en la conté de Bourgoigne et en gasta une grant partie, tant par l’espée comme par feu et par roberies. Et après, il se retrait en aucuns chastiaux aveques ses complices ; lesquiex chastiaux il avoit fait par avant garnir. Adonques le duc et conte de Bourgoigne, lequel avoit aveques soy en son aide le roy de Navarre, le duc de Normendie, le conte de Flandres, le conte d’Estampes, si assambla un grant ost et s’en ala tenir siege devant le chastel messire Girart de Monfaucon[3] que on appelloit Chaussi[4], et tint ilec son siege par l’espace de vi sepmaines et le prist ; et puis se retrait vers la cité de Bisançun, laquelle cité
- ↑ Salins (Jura, arr. de Poligny, ch.-l. de cant.) aurait été incendié le 14 avril 1336 (Ed. Clerc, Ibid., p. 51).
- ↑ Ce défi aurait été apporté au duc le 14 avril (E. Petit, op. cit., t. VII, p. 148).
- ↑ Henri (et non Girart) de Montfaucon, fils de Gauthier de Montfaucon, et de Mahaut, fille de Simonin, sire de Chaussin et de la Marche (Rousset, Dict. géogr., hist. et statistique du Jura, t. II, p. 54).
- ↑ Chaussin, Jura, arr. de Dôle, ch.-l. de cant. Sur le siège de cette ville, commencé au mois de juillet et qui dura six semaines, voir Rousset, Ibid. Cf. E. Petit, op. cit., t. VII, p. 156-157.
