terre. Après, ala assegier I autre chastel qui estoit à l’evesque de Cambray, que on appelloit Tun l’Evesque[1], lequel seoit sus la riviere de l’Escaut, et y fist gitter des pierres et des mangonniaus. Mais ceulz dedenz se deffendirent si bien que on ne gaaigna riens sus eulz. Il avoit I chastel assez près de eulz qui estoit au conte de Haynau, que on appelloit Bouchain[2], duquel la garnison qui estoit dedens faisoit mainte course sur l’ost au roy de France. Et ne demoura mie moult que le duc de Brebant et le conte de Guerle, et grant partie du pays de Flandres vindrent pour lever le siege de devant Tun l’Evesque ; et estoient à l’un des costez de la riviere et le roy à l’autre. Mais à la foiz venoient courre les uns sus les autres parmi pons qu’il avoient faiz, et y ot moult de bons poigneis. Et y fu fait chevalier à l’un des poigneis monseigneur Phelippe, filz au duc de Bourgoigne[3]. Quant le chastelain du chastel[4] vit que le chastel estoit si froissié que à paine avoit-il lieu oudit chastel là où bonnement se peust retraire sanz peril, si fist mettre touz ses biens en nefs et les fist mettre oultre, puis fist bouter le feu oudit chastel, et se mist en une nef et sa gent aveques lui, et s’en alerent en l’ost des Alemens. Quant le roy de France vit le chastel ardoir, si fist tantost ses gens en-
- ↑ Thun-l’Évêque, Nord, arr. et cant. de Cambrai. Cette ville, dont le siège commença immédiatement après la reddition d’Escaudœuvres, fut prise le 23 juin. Cf. Jean le Bel, t. I, p. 174 à 177 ; Froissart, t. II, p. XIII à XV et 24 à 29 ; Chronographia, t. II, p. 116 à 118.
- ↑ Bouchain, Nord, arr. de Valenciennes, ch.-l. de cant.
- ↑ Philippe, fils d’Eudes IV et de Jeanne de France, qui mourut le 10 août 1346 au siège d’Aiguillon.
- ↑ Richard de Limozin.
