trer ens par eschielles ; et l’endemain, une heure[1] devant le jour, se parti l’ost des Alemans et des Flamens, et s’en alerent en leur pays. Et tantost après renvoia le roy de France monseigneur le duc de Normendie son filz et le duc de Bourgoigne pour essillier la terre de Haynau, et s’en alerent au Quesnoy[2] et ardirent touz les forbours de la ville, puis mistrent tout le pays par lequel il passerent en feu et en flambe, et passerent à une ville près de Valenciennes, et là firent courir leurs coureurs devant la ville. Et quant il orent arse toute celle partie de la terre de Haynau, si s’en retournerent en l’ost du roy[3]. Adonc prist le roy conseil de assegier le chastel de Bochain ou de partir son ost ; mais son conseil li loua, pour ce qu’il avoit oy nouvelles que le roy d’Angleterre devoit arriver à l’Escluse, qu’il feist son retrait sus les frontieres es bonnes villes, et après qu’il s’en alast I tour en France pour faire haster sa navire, que elle fust preste au devant du roy anglois. Et ainsi le fist le roy et s’en vint en France[4].
- ↑ Le ms. fr. 2813 a mis par erreur « lieue ». Il faut lire heure, cf. Chronographia, t. II, p. 119, « unius hore spacio ante diem ».
- ↑ Le Quesnoy, Nord, arr. d’Avesnes, ch.-l. de cant.
- ↑ La Chronographia, t. II, p. 119, fait connaître encore une chevauchée du duc d’Athènes et du vicomte de Thouars contre Bavay qu’ils brûlèrent, ainsi que tout le pays autour de cette ville, jusqu’à Maubeuge, chevauchée qui aurait été arrêtée à la prière de la comtesse de Hainaut, sœur de Philippe VI, alors abbesse de Fontenelles.
- ↑ Philippe de Valois, qui était resté devant Thun-l’Évêque jusqu’à la prise de cette ville, on l’y trouve du 18 au 23 juin, se retira ensuite à l’Écluse (Nord, arr. de Douai, cant. d’Arleux), puis à Arras où il séjourna du 6 au 29 juillet (J. Viard, Itinéraire de Philippe VI de Valois, p. 68 et 69).
