deniers, et li convint par necessité laissier le siege[1] comment qu’il eussent les deniers receuz de par le roy ; ne voult pas monseigneur Robert d’Artois passer aveques le roy, pour ce que il pensoit que le roy feroit correction quant il vendroit en Angleterre de ceulz qui avoient ainsi les deniers detenuz ; et ledit messire Robert d’Artois ne vouloit point avoir le maugré. Si laissa le roy d’Angleterre le duc de Guerle et plaige pour lui à Gant et puis s’en ala li et la royne en Angleterre. Et quant il fu venu en son pays, si fist prendre grant partie des gouverneurs qui avoient gouverné son royaume[2], et fist chacier pour prendre l’arcevesque de Cantorbiere[3] ; mais il se tint si garni en son eglise qu’il ne le porent avoir. Puis assembla parlement de ses barons, et leur opposa que trahy l’avoient, et que par la deffaute de eulz il li convint laissier le siege et son emprise ; pour quoy il condampna les uns en corps et en avoir, les autres tint en prison.
Quant monseigneur Robert d’Artois ot jousté à une grant feste à Leure[4] en Brebant, il s’en ala en Angleterre et fist la pais à l’arcevesque de Cantorbiere, et as autres fist pardonner leurs vies, mais leurs heritages furent
- ↑ Ms. fr. 17270 : « lever le siege et laissier ».
- ↑ Geoffroi Le Baker, éd. Thompson, donne les noms d’un certain nombre de personnes qui furent emprisonnées.
- ↑ L’archevêque de Cantorbéry était alors Jean de Stratford. Sur le retour d’Édouard III à Londres et l’affaire de Jean de Stratford, voir Robert d’Avesbury, De Gestis Edwardi tertii, éd. Thompson, p. 323 à 329. Cf. Déprez, op. cit., p. 359 à 363.
- ↑ Les Istore et croniques de Flandres, t. I, p. 400, ainsi que la Chronographia, éd. Moranvillé, t. II, p. 164, appellent cette localité la Veure, qui, d’après M. Moranvillé, Ibid., note 1, serait aujourd’hui Tervueren, Belgique, prov. de Brabant, arr. et cant. de Louvain, à treize kilomètres et demi de Bruxelles.
