Page:Viard - Grandes chroniques de France - Tome 9.djvu/239

touz forfaiz, et les departi le roy et ses chevaliers qui bien s’estoient portez en sa guerre. Si avint que le conte de Flandres qui estoit demouré en son pays, pour ce que on li fist pou d’obeissance, il s’en parti par mautalent et s’en ala vers le roy de France.

XXV.

Comment le roy Garbus vint a grant ost de Sarrazins en la terre de Garnate, et coment le roy d’Espaigne vint contre lui et le roy de Portigal, et orent victoire sus Sarrazins. En celle abtaille furent occis CC^M Sarrazins, et fu occis Picazo filz au roy de Belle Marine, un moult vaillant chevalier sarrazin^[1].

Or avint en ce temps que le roy d’Espaigne^[2] qui tint grant guerre vers Sarrazins, ainsi comme vous orrois, que les nouvelles en vindrent au cardinal d’Espaigne^[3]. Le roy Garbus avoit assamblé moult grant ost et vint en la terre de Garnate^[4]. Ileques vint le roy d’Espaigne à l’encontre et le roy de Portigal^[5], la veille de la Saint Jehan Baptiste, l’an M CCC XL, devant I chastel moult noble que on appelle Gibaltoire^[6].

1. Pour ce chapitre et les chapitres XXVI et XXVII, cf. Istore et croniques de Flandres, t. I, p. 400 à 404 ; Adam Murimuth, Continuatio chronicarum, éd. Thompson, p. 263 à 271. Voir aussi Chronique de Jean le Bel, éd. Viard et Déprez, t. I, p. 213 à 219.
2. Alphonse XI, roi de Castille, de 1312 à 1350.
3. Sans doute Pedro Gomez de Barrosso, cardinal de Sainte-Praxède, évêque de Sabine, qui était légat en France.
4. Garnate, Grenade.
5. Alphonse IV, roi de Portugal de 1325 à 1357.
6. Gibaltoire, Gibraltar.