combat au roy de Castelle, sanz misericorde met tout à l’espée en telle maniere que de leurs eglises faces estables à tes chevaux, et leurs crois soient estaches pour tes tentes ; et fais touz les petiz enfans escerveler, et les femmes grosses fais ouvrir, et à toutes les autres fais coper les testes, en despit de la loy crestienne. Et fais tant que tes mains ne cessent d’espandre sanc devant ce que toute crestienté soit destruite et que toutes terres soient sousmises à nostre seigneurie. Adonques aras-tu la grâce de Mahommet et d’Amali et de Malefaçon, qui furent sains prophetes, et te seront en aide quant tu les reclameras, car onques si sains hommes ne furent nez en nostre loy. »
L’an de grâce mil CCC XLI, le roy de Bellemarine et de Marroc assamblerent grant foison de Sarrazins et vindrent en la terre d’Espaigne, aians grant volenté de vengier la mort de Picazo, filz du devant dit roy de Bellemarine. Quant le roy Alphons d’Espaigne et le roy de Portigal l’entendirent, derechief assamblerent ost et vindrent à l’encontre des Sarrazins, la nuit de la Touz Sains l’an devant dit, et commença la bataille moult forte. Mais en la parfin les Sarrazins se desconfirent[1] ; et en y ot bien de mors, de la partie des Sar-
- ↑ C’est la victoire de Rio-Salado remportée sur les Sarrasins qui assiégeaient Tarifa par les rois de Castille et de Portu-
