sons ne li voudrent obeir et li resisterent viguereusement, et il estoit moult convoiteux de les conquerre et de les guerroier et metre au bas, il apresta armes et nefs, et quant il furent issuz des nefs et mis à terre, et son oncle li conseilloit qu’il s’en retornast, il ne volt croire le conseil de son dit oncle, lequel li disoit bien, comme expert en guerres et en batailles, que s’il aloit oultre, il mettroit en peril li et tout son ost ; et ainsi fu-il par après. Car comme ledit conte qui trop presomptueusement se fioit de sa force se fu mis et gitté entre les Frisons, tantost et sanz demeure, li et sa noble compaignie qu’il avoit menée aveques soy furent occis des Frisons[1]. Ci sont les noms des personnes nobles et notables qui furent occises[2] ; le seigneur de Floreville, le seigneur de Duro, le seigneur de Hermes, le seigneur de Maugny et son frère, le seigneur d’Arques et le seigneur de Beusambourc, le seigneur de Welincourt, monseigneur Jehan de Lissereules, monseigneur Gautier de Ligne et son frere monseigneur Michiel, monseigneur Henri d’Antoin, monseigneur Girart à la Barbe, monseigneur Hazo de Broucelle, monseigneur Tyerri de Vaucourt mareschal de Haynau, monseigneur Jehan de Bruiffe,
- ↑ La bataille de Staveren (Hollande, prov. de Frise) dans laquelle fut tué Guillaume II, comte de Hainaut, eut lieu le 26 septembre 1345. Voir, sur cette bataille, Jean van Malderghem, La bataille de Staveren, 26 septembre 1345, Bruxelles, 1869, in-8o, et Kervyn de Lettenhove, Froissart, t. IV, p. 475 à 479.
- ↑ On pourra rapprocher la liste des Grandes Chroniques de celles qui sont données par Butkens (Trophées du duché de Brabant, t. I, p. 433) et par Léopold Devillers (Cartulaire des comtes de Hainaut, t. I, p. 255, note 3).
