chevaliers appellé messire Jehan d’Erbloy[1], afin que en sa presence fust faite ou non du roy de France l’execucion de l’amende. Mais avant qu’il venissent au terme où il devoit aler, les Anglois distrent audit messire Jehan qu’il s’en retornast se il ne vouloit perdre la teste, lequel s’en retourna au roy et li conta et dist comment les Anglois l’avoient moquié, et comment il garnissoient les forteresces et les chastiaux et s’appareilloient de tout leur pooir à guerroier. Quant le roy ot oy ces nouvelles, il reputa Gascoigne estre forfaite à lui par droit, et justice devoir estre apliquiée, tant comme pour ce qu’il avoit cité le roy d’Angleterre et semons à certain lieu et jour où il devoient touz ii estre, et l’avoit le roy d’Angleterre accepté, mais il ne vint ne envoia, tant aussi pour ce que la composicion de l’amende dessus dite, laquelle Aymes frere du roy avec plusseurs nobles de sa compaignie, avoient accordé, ne voult metre à execucion. Et pour ce, le roy envoia en Gascoigne son oncle messire Charles de Valois conte, avec Phelippe[2] et Charles[3] filz dudit conte, et messire Robert d’Artois conte de Biaumont le Rogier a grant multitude de gens d’armes esleuz, environ la feste de la Madgalene[4] ; lequel messire Charles,
- ↑ Jean d’Arrablai.
- ↑ Si Philippe de Valois prit part à cette campagne (J. Viard, Philippe de Valois avant son avènement au trône, dans Bibl. de l’Éc. des chartes, t. XCI (1930), p. 321-322), les Journaux du Trésor de Charles IV le Bel, no 5624 nous apprennent que Philippe d’Évreux y prit également part.
- ↑ Charles, comte d’Alençon, second fils de Charles de Valois.
- ↑ L’ost de Charles IV fut convoqué à Orléans pour le 15 juillet (De Bréquigny, op.cit., p. 662).
