l’eveschié de Triguier, vindrent assaillir les Anglois de la dite Roche, et fu capitaine le sire de Craon que le roy de France y avoit envoié en secours ; et comment les Anglois furent pris et la ville et le chastel recouvrez.
Le xliii, de la grant mortalité qui dura environ i an et demy ou royaume de France, pou plus pu moins, en tele maniere que à Paris mouroit bien jour par autre viii cens personnes. Et commença la dite mortalité en une ville champestre appellée Roissy emprès Gonnesse. Et en l’espace de celi an et demy, selon ce que aucuns disoient, le nombre des trespassez à Paris monta de l mile à lii mile, et en la ville de Saint-Denis, le nombre se monta à xvi mile ou environ.
Le xlive chapitre et derrenier fait memoire du grant pardon de Romme que pape Clement octroia l’an mil CCCL, et du trespassement du roy Phelippe.
Ci finent les chapitres du livres des faiz et du temps du roy Phelippe de Valois, et après commence le livre…
Après la mort du roy Karle le Bel qui avoit laissiée la royne Jehanne sa femme grosse, furent assemblez les barons et les nobles à traictier du gouvernement
- ↑ Continuation de la Chronique latine de Guillaume de Nangis, éd. Géraud, t. II, p. 82 à 86, et Rec. des Hist. des Gaules et de la France, t. XX, p. 645-646. Dans ce chapitre, les Grandes Chroniques ont abrégé la Continuation de G. de Nangis.
