« Douce fin de mes voeux, s’il vous plaist que j’escrive »
(Redirigé depuis « Douce fin de mes voeux, s'il vous plaist que j'escrive »)
« Douce fin de mes voeux, s’il vous plaist que j’escrive »
Cléonice. Dernières Amours dans Desportes - Premières œuvres (éd. 1600), Mamert Patisson, (p. 123b).
- XIX.
Douce fin de mes vœux, s’il vous plaiſt que i’eſcriue
Ces parfaites beautez, dont vous bleſſez les Dieux,
Faites tant que ie puiſſe en vous tenir les yeux
Durant que ie m’eſſaye à vous pourtraire viue.
Car il ne faut penſer autrement que i’arriue
Au moindre des beaux traits que vous auez des cieux,
Veu qu’il ſort de voſtre œil tant d’eſclairs radieux,
Qu’vne ſi grand’ clairté de lumiere me priue.
Faites comme Phebus quand ſon fils s’approcha,
Qui de ſon chef doré les rayons deſtacha,
Pour ne l’eſblouir pas de ſa celeſte flame.
Sinon ie ne puis dire en chantant vos beautez,
Fors que ie vey des feux, & de grandes clairtez,
Qui troublerent ma veue, & brulerent mon ame.