Le Livre des ballades/En demonstrant quelle n’est pas estable
sur le régime de Fortune
Sur lac de deuil, ſur riviere ennuieuſe,
Plaine de cris, de regrelz, & de claim.
Sur peſant ſourſe & melencolieuſe,
Plaine de plours, de ſouſpirs & de plains,
Sur grans eſtangs d’amertume tout plains,
Ei de douleur ſur abiſme parſonde,
Fortune là ſa maifon touſjours ſonde
A l’ung des lez de roche eſpouventable.
Et en pendant, afin que pluſtoſt fonde,
En demonſtrant qu’elle n’eſt pas eſable.
D’une part clere, & d’autre tenebreuſe
Eſt la maiſon aux douloureux meſchains,
D’une part riche & d’autre ſouffreteuſe,
C’eſt du coſté où les champs ſont prochains.
Et d’autre part a aſſez fruictz & grains,
Là fiet fortune ou tout en air habonde.
D’une part noire, & de l’autre elle eſt blonde ;
D’une part ferme, & d’autre treſbuchable,
Muette, ſourde, aveugle, & ſans faconde
En démonſtrant qu’elle n’eſt pas eflable.
Et là endroit par ſa dextre orgneuilleuſe
Qui retenir ne veult brides ne frains.
En ſa maiſon doubtable & périlleuſe
Sont les mefchiefz tout mouſlez & emprains,
Dont les delictz ſont rompuz & enfrains,
Et les honneurs & gloire de ce monde.
Car par le tour de ſa grant roche ronde
Fait à la fois d’ung palais une eſtable,
Et auſſi toſt que le vol d’une aronde.
En demonſtrant qu’elle n’eſt pas eflable.
Que voulez vous que je die & reſponde ?
Se fortune eſt une fois delectable,
Elle ſera amere à la ſeconde,
En demonſtrant quelle n’eſt pas eſtable.