Le Livre des ballades/Si fais-je aussi d’amours, aussi de Dame
sur la mort de sa dame
Fy de ce May clame ſi courtois,
Fy de Venus & de la beauté d’elle,
Fy d’eſperuiers, de faulcons, & pivois
Fy de harper, de chanter de vielle :
De tous oyſeaulx, excepté l’arondelle.
De moy-meſmes diſ-je fy par mon âme,
Si fais-je auſſi d’amours, auſſi de Dame.
Fy de tous jeux, de chanſons, de renvois,
Fy de Pallas, & de la beauté d’elle,
Fy de jouſtes, de dances, de tournois.
Et ſi dis fy de la façon nouvelle :
Si fais-je auſſi de celuy ou de celle
Qui loyaulté maintiendra jour ne terme.
Si ſaiſ-je auſſi d’amours, auſſi de Dame.
Et s’en dit fy, ſe plus ne le revois,
Pas ne feray comme la turterelle :
Ains ſembler vueil au roſſignol du bois.
Car auſſi toſt qu’a fait de ſa femelle.
Sifflant s’en va, & luy monſtre ſon aeſle,
Lireau luy fait, combûft que ſoit diffame,
Si fais-je auſſi d’amours, auſſi de Dame.