Ne battaille esmouvoir ne me gent essillier,
Je vous ay en couvent et vous voeil fianchier
Que ja mais n’y aréz de le mort recouvrier,
Ains vous feray morir a loy de saudoiier :
Le thieste vous feray par devant moy trenchier,
Vous m’en poés bien croire sans faire replegier.
— Sires », dist Esmeréz, « che fait a ottroiier,
Car je vous dy pour vray et vous voeil tiesmoingnier
Qu’a le seconde fois n’oseroie proiier. »
« Esmeréz », dist Gharssille, « oiiés c’on vous dira :
Bien em poéz raler et tous cheux qui sont cha ;
Tout pour l’amour de vous cascuns s’en partira.
Mais gardéz vous de moy, ne revenéz plus cha !
— Sires », dist Esmeréz, « mon corps s’en gardera
Au mieus que je polray, ne vous en doubtéz ja.
Mais faittes unne chose que mon corps vous dira :
Laissiés ceste grant gherre, trop lonc tamps duret a ;
Raléz vous ent en Griesse, le paiis par dela,
Et si laissiés Flourence, oncques ne vous ama.
Et se vous di pour vray : ja bien ne vous fera,
Se faittes grant folie, par Dieu qui tout crea,
Que maugré li voléz qu’elle viengne a vous cha.
Fenme c’on prent a force, fort a faire y ara,
S’elle fait ja nul bien a celui qui l’ara ;
Quant par amours est prise, asséz affaire y a,
S’elle se preuve bien, vous le savéz piech’a.
Vous yestes mais trop vieus, point ne vous amera. »
Quant Gharssilles oÿ Esmeret le vaillant,
Se li a respondu haultement en oyant :
« Esmeréz », dist li rois, « li coers me va disant
- ↑ 2274 grande.
2260 recouurer
