Page:Anonyme - Macaire, chanson de geste.djvu/457

3131—3157

265

Macaire.

« Se séust Kalles, l’emperere au vis fier,
« Ne t’averoit ci mandé à joster,
« Por moi confondre et ocire et mater,
« Ains me vorroit amer et tenir chier. »
Dist li Danois : « Nobiles chevaliers,
« S’à vos pléust ice me deviser
« Et la raison en dire et créanter,
« Et moi et vos, sans noise et sans tencer,
« Sans cop ferir ne sans autre chapler,
« Bien nos porrions ambedui acorder. »
Dist Varochers : « Me poés afier,
« Se jel vos di, que le vorrés celer
« Et à nului ne dire n’aconter ? »
Dist li Danois : « Et le vos puis jurer. »
Dist Varochers : « Et je miels ne requier,
« Et vos dirai l’afaire tot entier, (*)
« Si com ala l’oevre de chief en chief. (*)
« Dou tens passé vous puet il remembrer,
« Quant Auberis fu mors ens el vergier
« Lez la fontaine, por la dame mener,
« Dont si en ot Macaires son loier ?
« Fuit s’en la dame par le bois aspre et fier,
« Et je l’encontre à un tertre passer.
« A moi se rent, si l’oi à convoier
« Trosqu’en Ongrie, où la fis reposer,
« Chez un bon oste si la fis hebergier.
« La nuit méisme que vint en cel ostel,