sur le duc de Lorraine une ville nommée Bouquenom[1], dont le duc s’estant plaint au roy quy luy avoit promis d’empescher qu’ils ne touchassent a ses estats, il n’en eut point de raddresse ; ce quy le porta a lever des trouppes, et contre le desir du roy, d’entrer en Alsasse : dont le roy indigné, quy desja avoit eu quelque nouvelle du mariage de monsieur son frere avec la princesse Margueritte sœur dudit duc, (bien que les uns et les autres luy eussent toujours nié), s’avança vers Chasteautierry en mesme temps que la petite armée du duc fut deffaitte par les Suedois en Alsasse[2] : ce quy fit que le roy s’avança promptement a Chalons ou le cardinal de Lorraine le vint trouver, et fut tres bien veu et receu de luy : mais comme, le lendemain, il estoit au conseil avec le roy pour traitter des affaires du duc son frere, le roy luy dit qu’il avoit divers avis que depuis un an, sans son sceu, Monsieur son frere s’estoit marié avec la princesse Margueritte sœur du duc, et la sienne, et qu’il desiroit sçavoir ce quy en estoit. Le cardinal respondit que sy l’on luy eut demandé, il en eut dit la verité, ne sçachant point jamais mentir, et qu’il estoit vray que le mariage avoit esté fait et consummé des l’année precedente. Allors le roy luy dit qu'il ne vouloit aucun traitté, et fit avancer ses trouppes jusques contre Nancy. Le duc se retira avec les siennes dans la Vosge tandis que le cardinal faisoit des allées et venues (septembre) pour quelque paix ; et en mesme temps bien que Nancy fut
Page:Bassompierre - Journal de ma vie, 4.djvu/161
Le texte de cette page a été corrigé et est conforme au fac-similé.
154
journal de ma vie.
