Vers l’Allemaigne les ennemis avitaillerent Brisac, quelque diligence que le duc Bernhard de Weimarch peut faire pour les en empescher.
Finalement, pour ce quy est de moy, je fus doublement malheureux en ce que ce scelerat de La Roche Bernard escrivit encores contre moy le 19me de ce mois a Mr de Bouteillier le pere ; et le gouverneur de la Bastille a quy je renouvellay mes plaintes, au lieu de l’en chastier, luy permit de venir ouir la messe les dimanches avec les autres prisonniers : et ayant eu la lettre pour la liberté de mon neveu, que j’ay ditte cy dessus, des le 21me de juin, ayant sceu que Mr de Hoquaincour s’en retournoit de Lorraine, je luy escrivis pour le prier de se vouloir charger de luy pour me le rammener a Paris, et escrivis a celuy quy faisoit mes affaires en Lorraine pour luy fournir tout ce quy seroit necessaire pour son voyage, au cas que Mr le comte de Tornielle n’y voulut pourvoir, a quy pareillement jen escrivis, et luy manday que je mettrois mon dit neveu a l’academie sy je voyois qu’il se disposat de faire quelque chose de bien, et que, sy je le voyois porté a mal faire, je le tiendrois aupres de moy a la Bastille, et tascherois d’en faire quelque chose de bon ; et ayant mis toutes les susdittes lettres en un paquet avec celle du roy, addressées a Mr de Hoquaincour, je les envoyay a Mr de Ramefort[1] quy me promit de les faire rendre seurement es mains de Mr de Hoquaincour. Mais il arriva que le sieur de Villarseaux
- ↑ Charles d’Espagne, seigneur de Ramefort.
Poligny le 28, Arbois le 9 juillet. Plusieurs autres petites places furent prises dans cette campagne.
