Et li rois, a petit de painne,
Li acorde moult liement.
Adont la roÿne, en present,
Emmainne les .ii. chevaliers
En sa cambre, et moult volentiers
Des chevaliers errans demande.
Toutes fois cescuns recommande
Grandement le chevalier rouge,
Qui leur a fait en une bouge [1]
Ja tenir, ou .vii. jours ou .viii.,
Lors armeüres sans déduit,
Et la dient com vaillanment
Se combati a yaus briefment. f. 199 c
Tant de bien recordé en ont,
Present les dames qui la sont,
Que la roÿne s’en contente.
Ce jour, dedens sa cambre gente,
Leur donna moult bien a disner
Et li rois apriès a souper,
Et a l’endemain se partirent
Tout armé, com cil qui desirent
Que il se puissent revengier
Contre .i. estragne chevalier,
Mais qu’il soit de chiaus de la queste.
De tout ce feront il grant feste.
toutes ces paroles dire
Et compter comment desconfire
Les peut li rouges chevaliers,
Qui est preus et vaillans et fiers,
Estoit Phenonée en present,
Qui ces parolles moult bien sent,
Car le chevalier a veü
- ↑ 27041 bouge, B bonge.