Li ſergens qui l’uis nous ouvry,[1]
De .ii. mantelés nous couvry,
Et la feneſtre cloÿ toute,
Et puis l’uis ; ſi qu’on n’y vit goute.
Et là ma dame s’endormy,
Touſdis l’un de ſes bras ſur my.
Là fui longuement delès elle,
Plus ſimplement qu’une pucelle ;
Car je n’oſoie mot ſonner,
Ne touchier, ne araiſonner,
Pour ce qu’elle eſtoit endormie.
Là vi-je d’amour la maiſtrie :
Car j’eſtoie comme une ſouche
Delez ma dame, en ceſte couche,
Ne ne m’oſoie remuer,
Nient plus s’on me voſiſt tuer.
Et toutevoie, à la parfin,
Ma dame que j’aim de cuer fin,
Qui là dormi & ſommeilla,
Moult doucettement s’eſveilla,
Et moult baſſetement touſſy,
Et diſt : « Amis, eſtes-vous cy ?
« Acolés-moy ſéurement. »
Et je le fis couardement,
Mais moult le me diſt à bas ton.
Pour ce l’acolay à taſton,
Car nulle goute n’i véoie :
Mais certeinement bien ſavoie
Que ce n’eſtoit pas ſa compaigne.
S’eſtoie com cils qui ſe baigne
- ↑ Qui nous avoit ouvert la porte du logis.
fabliau : De la femme qui demandoit pour Morel ſa pourvende avoir. (Recueil de Méon.)
