Li trouble en chief, & de la plaie
Li ſans juſqu’à la terre raie.
En morant diſt : « Laſſe dolente !
« Bien voy que la mort m’eſt preſente ;
« Et ſi n’ay pas mort deſſervi,
« S’en vo gré ne vous ay ſervi.
« Amis, mais vous vous haſtez trop,
« Car .ii. en tuez à .i. cop.
« Au moins entendez ma complainte :
« Je ſuis de vous groſſe & enſeinte,
« Et li enfes n’a rien meffait,
« Dous amis, que vous m’avez fait. »
Après ce mot, l’ame rendi.
Quant Phebus la belle entendi
Et qu’il vit qu’elle eſt toute morte,
Trop mortelment ſe deſconforte ;
Trop fu courciés, trop fu dolens,
Il maudiſt tous oiſiaus volans,
Eſpecialment le Corbel
Qui deſſus tous avoit corps bel.
Il maudiſt l’arc & la ſaiette,
Et la main dont il l’avoit traitte.[1]
Le corps fiſt aromatiſer
D’oingnement qu’on doit moult priſier,
Fait par manière ſi ſoutive
Qu’elle ſemble encor toute vive.
Ou temple Venus la déeſſe
Fu là miſe, à moult grant richeſce,
Mais il la fiſt ouvrir & fendre
- ↑ « Odit avem per quam crimen cauſamque dolendi
« Scire coactus erat ; necnon arcumque, manumque
« Odit, cumque manu temeraria, tela, ſagittas. »
(Vers 614.)
