Page:Machaut - Le Voir Dit, 1875.djvu/384

328

[vers 8078]

LE LIVRE

Avant toute euvre, & l’enfant prendre,
Qui fu puis de moult grant renon :
Eſculapius ot à non,
Et ſi ſceuſt plus de ſurgerie
Que nul homme qui fuſt en vie.
Car il faiſoit les mors revivre,
Si com je le truis en mon livre.

Li Corbiaus attendoit merite
De la nouvelle qu’il a dite ;
Moult le deſire, moult li tarde.
Phebus le vit & le regarde
Et dit : « En ſigne de memoire,
« Sera ta blanche plume noire,
« Et tuit li corbel qui l’ont blanche
« L’aront plus noire que n’eſt anche,
« À tousjours perpetuelment ;
« Ne ſera jamais autrement,
« Pour ta mauvaiſe janglerie
« Qui m’a tolu ma druerie
« De la plus belle de ce monde.
« Et puet eſtre qu’elle eſtoit monde
« De ce fait, & que menti m’as.
« Dont dolens ſuis triſtes & mas.
« Jamais ne feras que jangler ;
« Maus aigles te puiſt eſtrangler !
« Va-t’en ! de ma court es banis,
« Se plus y viens, tu es honnis. »
Ainſi fu li Corbiaus paiez :
Si s’envola tous eſmaiez,
Et devint lerres ; c’eſt la ſomme.
Et ſi, le ſcevent bien maint homme,
Qu’en tous les leus où il repaire,