Le texte de cette page a été corrigé et est conforme au fac-similé.
369
Les metaux polis font le semblable par la vertu de ce cinquiesme susdit.
L’espouuantable masquaret, qui se fait en la riuiere de Dordongne, n’est causé que d’vn air enclos, compressé par les eaux de la Garonne et de la mer, qui entre en la Gironde. 184
Si les fleuues et fontaines des montagnes procedoyent de la mer comme l’on dit, il faudroit necessairement que les eaux se partissent de la mer en quelque endroit où elle fut plus haute que toutes les montagnes, et qu’il y eut vn canal bien clos contenant depuis la haute mer susdite, iusques au sommet des montagnes ; que si le canal ne prenoit qu’au bord de la mer, l’eau ne monteroit iamais plus haut que le riuage de la mer : et si le canal qui ameneroit l’eau des fleuues au haut des montagnes se venoit à creuer, il est certain que tout le monde seroit submergé. 160, 161
Si l’eau congelatiue n’estoit portée par la commune, elle ne pourroit actionner non plus.
Si toute l’eau de la terre estoit en nature congelatiue, bien-tost la terre se reduiroit en pierre.
Si en l’homme n’y auoit autre eau que la commune ou celle de l’vrine, il ne pourroit iamais engendrer pierre en son corps.
Plusieurs eaux engendrent la pierre à ceux qui en boiuent, à cause que parmy la commune, il y a quantité de l’eau congelatiue.
Comme l’eau claire est propre pour receuoir toutes couleurs, semblablement les terres blanches les peuuent aussi receuoir.
En la mer il y a trois especes d’eaux, la commune, la salée, et la vegetatiue, ou congelatiue.
La verité est contraire et se mocque de la lourdise de plusieurs qui soustiennent que les glaces se forment au fond de la riuiere de Seine. 238
Entre tous les esprits visibles, il n’en est pas vn plus certain que l’eau commune, qui est vn tesmoignage que tous mineraux exalatifs sont composez de matieres aqueuses, et pour ces causes ils sont sublimatoires.
Combien que la terre et la mer produisent iournellement nouuelles creatures, et diuerses plantes, metaux et mineraux,
