vier, assembla i très grant ost fort et hardi à Saint Quentin en Vermandois. Et comme il ne vousist pas entrer es termes de l’Empire, mais dissimulast la bataille par i pou de temps en attendant son ost, ledit roy d’Angleterre endementres entra ou royaume de France très cruellement et ardi une partie de Teresche, pilla et gasta le pays. Et comme le roy de France, qui par delà estoit alé pour lui obvier, et de ce il n’en fist samblant, l’en ne savoit par quel conseil ; adonques commença i grant esclandre, non pas seulement en l’ost mais par tout le royaume contre le roy. Quant le roy oy ces nouvelles, il se parti pour aler à l’encontre de li et s’en ala à une ville qui est appellée Buirenfosse[1] à i jour de vendredi. Lors le roy qui plus ne voult la guerre dissimuler, si s’arma et commença à amonnester les autres à eulz combatre vertueusement et hardiement. Adonques vindrent aucuns grans qui estoient en l’ost et distrent au roy que ce n’estoit pas chose convenable de soy combatre pour iiii choses : la première si estoit car il estoit vendredi ; la seconde cause quar li ne ses chevaux n’avoient beu ne mengié ; la tierce cause car li et son ost avoient chevauchié v lieues grans sanz boire et sans mengier ; la iiii cause, pour la grant difficulté d’un pas qui estoit entre li et ses anemis. Ces choses dites, il conseilloient au roy que il atendist jusques à l’endemain pour soy combatre ; et jasoit ce que le roy ne s’i voulsist accorder, toutes voies fu-il tant mené qu’il s’i accorda aussi comme maugré li ; et lors commanda à
- ↑ Buironfosse, Aisne, arr. de Vervins, cant. de la Capelle. D’après son Itinéraire (p. 64), Philippe VI fut dans cette localité du 20 au 23 octobre.
