du Plessie. Escuiers, Jehan de Malestroit, Guillaume de Brex, Rollant, Jehan de Senedavid.
[1]En ce meismes an, le samedi veille de Pasques, c’est assavoir le iii jour d’avril[2], trois chevaliers normens, lesquiex se portoient traitreusement contre le roy, en tant qu’il entendoient Geffroy de Harecourt, banni du royaume de France ce meismes an, si comme dessus est escript, faire duc de Normendie, et duquel duchié ledit messire Geffroy avoit ja fait hommage au roy d’Angleterre, si comme l’en disoit communement, furent pris et detenuz, et sus les devant diz faiz accusez et convaincuz. Finablement furent mis hors de Chastellet là où il avoient esté longuement, et furent jugiez par telle maniere comme les devant diz de Bretaigne et executez la ditte veille de Pasques, ce excepté que les trois chiefs desdiz trois chevaliers normens, du commandement du roy, furent tanstost portez à Saint Leu[3] en Constantin, en detestacion de leur grant traïson qu’il avoient faite, et en espoentement des autres. Ci après sont les noms des trois diz chevaliers normens. Premierement messire Guillaume Bacon, le seigneur de la Roche Taxon[4], messire Richart de Persi[5]. Et furent touz les biens desdis chevaliers, tant meubles comme
- ↑ Cf. Chronique de Richard Lescot, p. 63, § 158 ; Jean le Bel, t. II, p. 23 ; Froissart, t. III, p. 36 et 248 à 250.
- ↑ Ces chevaliers avaient été condamnés le 31 mars 1344. Le procès-verbal de leur exécution a été publié par L. Delisle, Histoire du château et des sires de Saint-Sauveur-le-Vicomte, pièces justificatives, p. 99, no 72.
- ↑ Laudun (ms. fr. 2813, fol. 377). Nous avons corrigé d’après le ms. fr. 17270.
- ↑ Jean, sire de la Roche-Tesson (Manche, arr. de Saint-Lô, cant. de Percy, comm. de la Colombe).
- ↑ Richard de Percy.
