Page:Montaiglon - Recueil général et complet des fabliaux des 13e et 14e siècles, tome V.djvu/223

78

213

del couvoiteus et de l’envieus

Molt goulouse^[1] double gaaing :
50« Demande, » fait il, « beaus compaing ;
Seürement que^[2] tu avras
Quanque tu demander savras ;
Soies larges de sohaidier :
Se de sohaiz^[3] te saiz aidier,
55Riches seras tote ta vie. »
Cil qui le cuer ot^[4] plain d’envie,
Ne demandera pas son vueil,
Qu’il morroit d’envie et de duel
Se cil en avoit plus de lui.
60Ainsinc esturent anbedui^[5]
Sanz^[6] demander une grant pièce :
« Qu’atens tu qui^[7] ne t’en meschiece ? »
Fait cil qui avoit couvoitié ;
« G’en^[8] avrai tote la moitié
65Plus de toi, n’en avrai garant^[9] :
Demande, ou ge te batrai tant,
Que mielz ne fu asnes à pont.
— Sire, » li envieus respont,
« Ge demanderai, ce sachiez,
70Ençois que vos mal me faciez,
Mais, se ge mis argent n’avoir,^[10]
Vos en vorroiz .II. tanz avoir,
Mais n’en avrez riens^[11], se ge puis.
Saint Martin, » dit il, « ge vos ruis^[12]
75Que j’aie perdu un des elz,
Et mes compainz en perde deus :
Si sera doublement grevez. »
Tantost ot cil les elz crevez ;

1. 49 — A, Mout goulousent ; B, Mout dolosoit.
2. 51 — que. B, quant.
3. 54 — B, Se del rover.
4. 56 — ot. B, a.
5. 60 — B, s’estoient par anui.
6. 61 — B, De.
7. 62 — B, Demande qu’il.
8. 64 — B, S’en.
9. 65 — B, mar vos [va] tardant.
10. 71 — B, Se demant argent ne avoir.
11. 73 — B, Mais rien n’i avroiz.
12. 74 — B, fait il, « je te mis.