Le Mespris de la vie et consolation contre la mort/« Les ours pour se deffendre ont des pattes cruelles »
Le Mespris de la vie et consolation contre la mort
CCCXVI.
Les ours pour se deffendre ont des pattes cruelles
Le cerf pour se sauver est leger & soudain
Pour combattre a des dens le sanglier inhumain
Les oiseaus buissonniers pour voler ont des ailes :
L'homme seul est privé de commoditez telles
Empruntant tout d'autruy & s'il ne peut hautain
Perdre de son orgueuil le superbe dedain
Luy mesme outre-passant ses forces naturelles
En ce vague univers ne se treuve animal
Tant indigent que l'homme instrument à tout mal
Qui vivre et vestement de lours brutaus mendie
Voire en ce mesme tems qu'il s'estime plus sain
Asservis à la soif & sujet à la faim
Il ne peut s'exempter de telle maladie.