Livre des esperitz/Texte entier
y commence Le Livre des eſperitz Le quel fut manifeſté au ſaige Salomon a les contraindre en terre et faire obeir a la volente humaine Car avant q̃ la ſcience fut trouvee monſtree ne manifeſtee et revelee aud. Salomon Les eſperitz faiſoint trop de maulx et de peſtilences ſur terre et deſtruſoint pluſieurs biens de ce monde et a humain lignaige faiſoint pluſieurs perſecuſions Et pour ce q̃ la miſericorde de dieu dona aud. ſalomon Le benefice de ceſte ſaincte ſcience a contraindre leſd. eſperitz et faire oboeyr a humaine creature adfin q̃ leur malice ne regnaſt plus ſur La terre creſtienne
u cõmancement du Livre ſeront mis Les noms des eſperitz qui ſont gouverneurs et maiſtres de touz les aultres eſperitz de la region et office de lucifer de l'office de bezlebut de ſatan Des quatre eſperitz qui ſont gouverneurs des quatre regions et parties du monde Ceſt aſſavoir de leſperit qui eſt appell̃ Orient de poymon de Qym de veal le grant roy de agarat duc De barbas prince De bulfas prince De amon marquis De batal conte De gemen roy De gazon duc De artis prince De machin duc De diciſion roy De abugor duc De vipos conte De cerbere marquis De carmola prĩce De eſtor duc De coap prĩce De deas duc De aſmoday roy De bitur marquis De beal duc De forcas prĩce De furfur conte De margotias marquis De Oze prince De Lucay marquis De pucel duc De fayn conte De ſuralet duc De zagon roy De dragon prĩce De parcas prĩce De gorſin duc De andralfas marquis De flanos duc De brial roy De fenix marquis De Diſtolas
Lucifer fut moult bel et de telle ſtature quoy ſont les aultres bons angelz et ne demoura mye aux cieulx par leſpace de une heure Car il ſe enorguillit en regardant et contemplant ſa belle grant beaulté en la quell̃ il fut fourmé et touz ceulz qui furent panſſantz mal avecq luy furent gectés en enfer en cõfuſion et faict led. Lucifer ſellon q̃ dient les docteurs de nigromance et led. Lucifer preſide en enfer et touz leſd. eſperitz denfer oboyſſans aluy cõme ſouverain denfer
Gay grant et maulvais eſperit eſt appell̃ bezlebuth et fut appell̃ devant le temps de Salomon anthaon et eſt le plus grant denfer apres Lucifer et doibt on ſavoir quil regne aux parties dorient et celuy qui lappelle doibt tenir ſon viſaige vers orient et il aparoiſtra a luy en belle figure et ſemblance Il enſeigne toutes ſciences et donne or et argent a ceulx qui le contraignent a venir et donne vroye reſponce de ce que on luy demande et revele les ſecretz denfer ſi on luy demande et ẽſeigne veritablement les choſes mucees en terre et en mer et ſi magnifeſte touz treſors qui ſont en terre repoſantz et garde des aultres eſpritz et doibt eſtre appelle par beau temps
Le tiers eſperit eſt appelle Satan Lequel fut fourme apres lucifer et converſe en lair pres de nous Jceluy ſathan appiert en gracieuſe ſemblance et habite en ſeptẽtrio. Celuy qui lappelle Doibt avoir ſon viſaige vers ſeptentrion Jcelluy apiert et a puiſſance de defformer touz homes et femmes ſe on Luy cõmande et ſe apparoille a faire touz maulx ſi luy eſt cõmande
Des quatre eſperitz principaulx ſeront dits Les offices en ceſte partie, dont le premier enſuit
Sequitur de primo
Le premier eſt appelle Orient et habite en orient Il tient le nom De la partie du monde
Pro ſecundo
Le ſecond eſt appelle Poymon et habite en occidẽ
Pro tertio
Le tiers eſt appelle Amoymon et habite es parties meridionales
Pro Quarto
Le quart eſt appell̃ Equi Et habite es parties De ſeptentrionLoffice du premier qui eſt appell̃ Orient eſt de reſpondre verite de ce q̃ on luy demande et ſi a puiſſance de cõſorter touz eſperitz et les ẽſeigner a faire et ſi apprant au maiſtre qui le contrainct toute phiſicque Et a deſſoubz luy Cent Legions dangelz ou de maulvais eſperitz
Poymon
Poymon appiert en ſemblance de fẽme coronnee, moult reſplendiſſante et chevaulche ung dramagdonere Celuy qui le contrainct doibt avoir ſon viſaige vers occident et il dict verite de ce q̃ on luy demande et apprant toutes ſciences au maiſtre et manifeſte tout choſes mucees et donne dignites et grandes ſeigneuries et faict venir a mercy touz les malveillantz du maiſtre plainement Et est ſeigner de xxv legions
Aymoymon
Aymoymon eſt Roy et appiert en ſẽblance De demye home et a longue barbe et porte a ſon chieff une coronne tres clere et ayme que on luy face ſacriffice, et donne vroye reſponce de ce q̃ on luy demande ou concede et donne ſouvenance de toutes ſciences et donne grandes dignites en terre et les cõferme et donne bone maniere de bon ſens Et a xiv legions
Beal
Beal eſt ung grant roy qui eſt deſſoubz et eſt ſubgect a orient qui eſt grant et faict home ĩviſible merveilleuſement et donne ſa grace a toutes choſes et ſoubz luy a ſeix legions
Agarat
Agarat eſt duc et appiert benignement en ſẽblãce de home vieulx et enſeigne touz langaiges et dõne ſeigneuries et grandes dignites en terre et ſoubz luy a xxxvi legions
Barthas
Barthas eſt ung grant prince q̃ appert en bell̃ figure ſon office eſt donner reſponce de ce q̃ on luy demande et enſeigne les choſes mucees et enſeigne auxi et faict aux gens ce q̃ on luy demande et faict chome en quelque figure que le maiſtre vieult et enſeigne ꝑfaictemẽt aſtronomye Et a dessoubz luuy xxxvi legions
Bulfas
Bulfas eſt ung brant prince ſon office eſt de faire diſcordez et batailles et quant Il eſt bien cõtrainct Il rend bone reſponce de ce q̃ on luy demande Et a deſſoubz luy xxxvi Legions
Amon
Amon eſt ung grant marquis qui appiert en ſemblance Dune pucell̃ ſon office eſt de dire verite des choſes paſſees et advenir en terre et toute ꝑſonne de qui on vieult avoir lamõ Il le faict avoir et a ſoubz luy xl legions
Barbas
Barbas eſt ung prince qui mõſtre a entendre le ſon des oyſeaulx et la voix des chiens et manifeſte toutes choſes mucees en terre et les apporte ſi on luy cõmande Et a xxxvi legions
Gemer
Gemer eſt un grant Roy ſon office eſt de ẽſeigner la vertu des herbes et toutes ſciences et guerir ceulx qui ſont malades quant on luy cõmende, et auſſi faict les gens malades Et deſſoub̃ luy a xl legions
Gazon
Gazon eſt ung grant duc qui donne vroye Reſpõce des choſes paſſes et advenir et des choſes ꝑẽtes et donne grace et amõr envš toutes ꝑſonnes ſur terre et faict monter en grantz honerš et dignites Et a xl legions
Artis
Artis eſt un grant duc et deux corõnes et une eſpee en la main ſon office eſt de Reſpondre de toutes choſes q̃ on luy vieult demander et ẽſeigner les choſes mucees et donne bone amõ et grace envš toutes ꝑſones Et a xxxvi legions
Machin
Machin eſt ung grant duc qui eſt en ſil̃itude et ſemblance dun home fort et ẽſeigne la vertu des herbes et des pierres precieuſes et porte le maiſtre de region en region ꝑtout ou le maiſr̃ vieult Et a xxxvii Legions
Diuſion
Diuſion eſt ung grant roy qui appiert en ſemblance dun bel home, et donne vroye Reſponce de ce q̃ on luy demande et ſi va querir Les treſors muces en terre quant on luy cõmande et a xxiiii Legions
Abugor
Abugor eſt ung grant duc qui aꝑt en ſẽblãce dun beau chevalier et donne vroye reſpõce de ce q̃ on luy demande et des choſes mucees en terre et donne bone grace envers Roys et aultres ſeigneurs et a xxvii Legions
Vipos
Vipos eſt un grãt cõte qui aꝑt en ſẽblance Dun ange et faict home ſaige et hardy et dit verite de ce q̃ on luy demande / et a xxv legions
Cerbere
Cerbere eſt un grãt marquis qui dõne ꝑfaict entendemẽt en toutes ſciences et faict home mõlt grant en honeurs et richeſſes / et a xix legions
Carmola
Carmola eſt un grant prince qui donne entẽdement des oyſeaulx et a attraper les larronz et meurdriers quant on luy cõmande Il faict gẽs ĩviſibles et dict verité de ce q̃ on luy demande et a xxvi Legions
Salmatis
Salmatis eſt ung grant marquis qui ap̃t en ſẽblance dun chevalier arme et faict home en q̃lq̃ ſẽblance quil vieult et ſi ediffie fortereſſes ediffices chaſteaulx et villes quãt on luy ꝯmande et faict aꝑoir grandes playes en q̃lque ꝑerſonne et a l legions
Coap
Coap eſt ung grant prĩce qui faict aṽ fẽmes et les faict venir la ou lon vieult et les faict horchaingnes ſi on luy cõmande et xxvii legions
Drap
Drap eſt ung grant duc qui ꝑle baſſement et bletzce la veue et l'ouye quãt on luy cõande et a iiiixx legions
Aſmoday
Aſmoday ẽ un grãt roy q̃ dõne ung ãnel q̃ ſi grãt vertu quil faict celuy q̃ le porte eureux en toutes choſes du monde et donne vroye reſpõce de ce q̃ on luy demãde et a ſõbz luy xii legions
Caap
Caap eſt un grant prĩce qui appiert en forme dun chevaliẽ et donne vroye reſpõce de ce q̃ on luy demande et apporte or et argent de q̃lq̃ lieu q̃ on luy ꝯmande Et a ſoubz luy xx Legions
Bune
Bune eſt ung grãt duc qui faict les corps aler et venir dun lieu en aulr̃ chemyner et faict home riche et ꝑler faigement devant toutes gens et dõne vroye reſponce de ce q̃ on luy demãde et a xxxv legõs
Bitur
Bitur eſt ung grãt marquis qui aꝑt en forme dũg beau jouvencel et donne lamor des femmes de q̃lq̃ lieu que elles ſoint et deſtruict villes et chaſteaulx ſi le maiſr̃ luy cõmande et faict deppoſer de ſes grantz honeurs et dignites de ce mõde ſi le maiſr̃ luy cõmande Et a xxxvi legions
Lucubar
Lucubar eſt ung grant duc qui faict home ſubtil et plain de grant engyn et faict muer le plomb en or et leſtaign en argent en q̃lq̃ manier̃ q̃ on vieult
Bugan
Bugan eſt ung grant roy qui faict home ſaige et faire touz manieres de metaulx muer en q̃lcõq̃ maniere q̃ on vieult leau muer en vin ou en huille et a xxxiiii Legions
Parcas
Parcas eſt ung grant prĩce q̃ faict home ſubtil Il ap̃t en belle figure Il congnoit la vertu des herbes et des pierres precieuſes et les apporte quãt on luy cõmande et faict home ĩviſible et ſaige en toutes ſciences et faict home devenir jeune ou vieulx lequel que on vieult et faict Recouvrir la veue quãt on la ꝑdue et ſi apporte lor et Largent qui eſt muce en terre et toutes aulr̃s choſes Et porte le maiſtre ꝑ tout le monde ſi on luy cõmande Et toutes aulr̃s ꝑſonnes ſi le maiſr̃ luy ꝯmande Et a ſõbz luy xxx legions
Flavos
Flavos eſt un grãt duc q̃ dõne vroye reſpõce de ce q̃ on luy demande et deſtruict touz les adverſaires du maiſr̃ qui le ꝯtrãnct Et a xx legions
Vaal
Vaal eſt un grant roy qui donne toutes Reſponces q̃ on luy demande en ce mũde et donne ſeigneuries dignites bone grace envr̃ toutes gens et ſi diſperze Ignelemẽt ce q̃ on luy cõmande Et a xxxix legions
Fenix
Fenix eſt un grant marquis qui aꝑt en belle figure et a la voix moult doulce et ſi eſt courtoys et treſ oboiſſant a toutes les choſes q̃ on luy vieult demander ou cõmander et ſi les faict Ignelement ſans dilacõn Et a xxv legions
Diſtolas
Diſtolas eſt ung grant marquis q̃ aꝑt en belle figure et donne voluntiers reſponce de ce q̃ on luy dẽmande et ꝯmmande Et ſi apporte pierres ſi on luy commande Et donne au maiſr̃ ung cheval qui le porte en une heure Cent ou deux ou trois centz lieues ou plus Et a xx legõs
Berteth
Berteth eſt ung grant duc qui appiert en belle figure et a une courõne Il donne vroye reſponce de ce q̃ on luy demande et ſi ẽſeigne a convertir touz manieres de metaux en or ou en argent Et donne ſeigneuries et cõferme ſi on luy demande Et a xxvi legions
Dam
Dam eſt ung grant cõte qui appert en bell̃ figure qui apporte or et argent et toutes aultres choſes ſi on luy cõmande et faict mourir ou languir toutes ꝑſonnes q̃ on luy cõmande Et ſi Dict touz les ſecretz des femmes Et ſi les faict deſpouiller et dancer toutes nues Et a xxv legõs
Furfur
Furfur eſt ung grãt cõte q̃ aꝑt en guyſe dung ange et faict avoir lamor de toutes gens et faict home ſaige en aſtronomie et phỹie
Forcas
Forcas eſt ung grãt prĩce q̃ ẽſeĩge la vtu des hr̃bes et des pierres precieuſes et faict eſr̃ ĩviſible et eſr̃ ſaige et bien ꝑlãt a toutes gens et ſi apporte treſors muces en terre quãt on luy ꝯmande Et a xxx legõs
Malpharas
Malpharas eſt ung grant ſeigner̃ q̃ ediffie tours et chaſteaulx pontz ſur eaues quant on Luy cõmande et abbatt et confont ſoint gens chaſteaulx ou aultres fortereſſes et porte dun lieu en aulr̃ ſi on luy cõmande et oboiſt et eſt cõtaix au mſr̃ qui le ꝯtraĩct a fr̃ leſd. choſes Et a xxx legions
Gorſay
Gorſay eſt ung grãt duc qui faict ung home bon oupvrier en ſes beſoignes et en ſes ditz Il prãt larrons et meurdriers et les amaĩe la ou on luy ꝯmẽde et faict ſouffrir paine et tõmãt a q̃lq̃ ꝑſonne q̃ lon vieult Et a xv legions
Samon
Samon eſt ung grãt roy qui aꝑt en ſẽblãce dune bell̃ pucelle Il donne reſponce de ce q̃ on luy demãde Il enſaigne les biens et les treſors qui ſont muces et faict avoir lamõ de toutes roynes et fẽmes ꝑfaictemẽt ſoint pucelles ou non Et a xxv legions
Tudiras hoho
Tudiras hoho eſt un grãt marquis q̃ aꝑt en ſẽblãce dune bell̃ pucelle et faict home ſaige en toutes ſciẽces et ſi le mue en maniere doyſel Et a xxxi legion
Oze
Oze eſt ung grant marcquis qui dõne bone reſpõce de ce q̃ on luy demande et ſi faict home muer de figure en aultr̃ et ſi faict une choſe aꝑoir aulr̃mẽ quil neſt Et ſi faict une poigne deſtrain eſr̃ ung grãt cheval et ung feſtu eſr̃ ſrcaĩture dor ou dargẽt et faict les gẽs forcenes quãt on luy cõmande Et xxv legions
Ducay
Ducay eſt un grant marquis q̃ aꝑt moult benignemẽt et donne lamõ des fẽmes et faict entendre touz langaiges et porte de lieu en aultr̃ lieu et a xxv legions
Bucal
Bucal eſt un grãt duc q̃ aꝑt en guyſe dange et done vroye reſpõce de ce q̃ on luy demande et faict aꝑoir grandes eaues et abyſmes en lair ꝯbien quilz ny ſoint point Et a xxviii legions
Adſit In principio sancta maria meo.