Recueil des lettres missives de Henri IV/1576/13 février ― À messieurs les gens du roy mon seigneur

◄

précédente

Henri IV Lettres missives 1576

suivante

►

1576. — 13 février.

Orig. – Collection de M. Lucas de Montigny.

À MESS^RS LES GENS DU ROY MON SEIGNEUR,

ESCHEVINS DE LA VILLE DU MANS.

Mess^rs, Parce que, en m’en allant en ma maison de la Fleche, il fault necessairement que je passe par vostre ville du Mans, à cause que j’ay entendu qu’estes en doubte de ma volonté, j’envoye exprez vers vous ce porteur pour sçavoir celle qu’avez de me donner passaige, et pour vous dire que vous n’avez nulle occasion de le me refuser, parce que mon intention n’est que de passer et ne permettre que tort soit faict au moindre de voz habitans, ainsy que je fais partout ailleurs ; ayant commandé au dict porteur vous dire davantaige, que si n’estes asseurez de ma parole, qui est trez veritable, qu’advisiez entre vous quelque aultre seureté vous voulez de moy, qui la vous offre telle que la vouldrez choisir et que je puis vous la bailler. Attendant le retour duquel je prieray le Createur vous donner, Mess^rs, ses sainctes graces. De Beaumont^[1], ce xiij^e febvrier 1576.

Vostre bien bon amy,

HENRY.

Renvoyez-moy promptement ce dict porteur avec vostre resolution^[2].

1. C’est Beaumont-le-Vicomte, entre le Mans et Alençon. Cette ville appartenait au roi de Navarre, qui était duc de Beaumont.
2. Ce post-scriptum est de la main du roi.