Orig. – Arch. de M. le comte H. C. de Meslon, à Rauzan. Communiqué par M. le secrétaire général du département de la Gironde.
Monsr de Melon, Entendant d’heures à aultres, qu’il se faict en divers endroicts des assemblées, et que Messrs de Gramont et de Duras, qui font troupes de gens de cheval et de pied, ont donné leur rendés-vous à leurs gens ce jourd’huy, je vous prie vous rendre vigilent sur leurs entreprinses, et tenir adverty chascun de prendre garde à soy, comme j’ay donné ordre à ce porteur vous dire, dont vous le voyrés ensemble en contenu de memoire ; je le vous envoye, afin que, si on voit plus amplement des apparences de leurs desliberations, on soit bientost prest pour s’y opposer. En m’asseurant de vostre prudence et affection en icelle occurence, prieray Dieu, Monsr de Melon, vous avoir en sa saincte garde.
HENRY.